អត្ថបទ និងព័ត៌មានថ្មីៗ

Lewandowski ចារឈ្មោះខ្លួនឯងក្នុងបញ្ជី Top Score នៅជម្រើសជាតិប៉ូឡូញ

បញ្ចូលដោយ៖ Laiheang Vobfm - 06/10/2017

Robert Lewandowski បានក្លាយជាកីឡាករស៊ុតបញ្ចូលទីច្រើនបំផុតនៅក្រុមជម្រើសជាតិប៉ូឡូញក្រោយស៊ុតបាន៣គ្រាប់ទល់នឹងជម្រើសជាតិអាមេនី។

Wlodzimierz Lubanski

កំពូលខ្សែប្រយុទ្ធវ័យ២៩ឆ្នាំបានបំបែកកំណត់ត្រាវីរបុរសខ្លួន Wlodzimierz Lubanski ដែលរកបាន៤៨គ្រាប់ឲ្យជម្រើសជាតិ។ មុនជ័យជម្នះ ៦-១ លើអាមេនី Lewandowski មាន៤៧គ្រាប់ពោលគឺចាញ់ Lubanski ១គ្រាប់ប៉ុន្តែក្រោយស៊ុត Hat-trick ធ្វើឲ្យរូបគេបាន៥០គ្រាប់ហើយ និងនៅមានឱកាសរកបានបន្ថែមទៀត។

ជម្រើសជាតិប៉ូឡូញបច្ចុប្បន្នឈរលេខមួយក្នុងតារាងជម្រុះ World Cup ពូល E របស់ទ្វីបអឺរ៉ុបមានភាគរយខ្ពស់ជាងគេក្នុងការឆ្ពោះទៅជុំផ្ដាច់ព្រ័ត្របើសិនឈ្នះឬក៏ស្មើប្រកួតចុងក្រោយ៕