ស្រវឹងស្រាខ្លាំងពេក ទៅយកស្រី២នាក់ មករួមភេទ… !!!ដេកលក់មួយភាំង ក្រោកឡើងបាត់កាបូបលុយ

ភ្នំពេញ៖ បុរស២នាក់ ស្រវឹងស្រាទៅរក សេវាផ្លូវភេទនៅវត្តភ្នំ ត្រូវបានស្រ្តី២នាក់ ដឹកយកទៅ​ដល់ផ្ទះសំណាក់ ស្រវឹងខ្លាំងពេក មិនទាន់បានបើកប្រតិបត្តិការផង ដេកលក់មួយភាំង នាងលួច កាបូបលុយទៅបាត់ នៅសល់ស្រ្តីម្នាក់ ក្នុងចំណោមបក្សពួក ត្រូវបានបុរសខាងលើ ឃាត់ខ្លួនប្រគល់ឲ្យសមត្ថកិច្ច ​បង្កអោយមានការ ភ្ញាក់ផ្អើលកាលពី វេលាម៉ោង២និង៣០នាទី រំលងអាធាត្រ ឈានចូលថ្ងៃទី៣០ ខែកញ្ញា ឆ្នាំ២០១៧ តាមបណ្តោយផ្លូវ២៧៣ នៅចំណុចផ្ទះសំណាក់ មហាលាភ ស្ថិតនៅក្នុង សង្កាត់ទួលសង្កែ ខណ្ឌឬស្សីកែវ។តាមប្រភពព័ត៌មាន បានឲ្យដឹងថា ជនសង្ស័យ មានឈ្មោះ ម៉ាប់ ភេទស្រី អាយុ៣០ឆ្នាំ មុខរបររកស៊ីផ្លូវភេទ បានអោយដឹងថា មុនពេលកើតហេតុ ​មានបុរស២នាក់ ស្រវឹងស្រា ជិះរថយយន្តមួយគ្រឿង ម៉ាកកូរ៉ូឡា ពណ៌ក្រហម ពាក់ស្លាកលេខ ភ្នំពេញ A7555 បានឈប់រថយន្ត ហើយបបួលពួកគាត់២នាក់ ទៅគេងជាមួយ ​ក្នុងតម្លៃម្នាក់១០ម៉ឺនរៀល ​ពួកនាងទាំង២នាក់ ក៏ព្រមទៅជាមួយ ដោយជនរងគ្រោះ ​បានទៅជួលផ្ទះសំណាក់ យីហោមហាលាភ នៅផ្លូវ២៧៣ ម្តុំជិតរ៉ារទះភ្លើង សង្កាត់ទួលសង្កែ ខណ្ឌឬស្សីកែវ ។ខណៈ​ពេល ជួលបន្ទប់ផ្ទះសំណាក់រួចហើយ ជនរងគ្រោះទាំង២នាក់ ស្រវឹងស្រាខ្លាំងពេក គាត់មិនបាន​រួមរក្ស័ ជាមួយស្ត្រី២នាក់នោះទេ គាត់ក៏ដេកលក់ អស់មួយភាំង​ លុះដឹងខ្លួនឡើង បាត់កាបូបលុយ ។សមត្ថកិច្ចបានឲ្យដឹងថា នៅក្នុងកាបូបលុយនោះ មានលុយ​ចំនួន១លានរៀល ​និង20ដុល្លារ រួមនិងទូរស័ព្ទដៃ ចំនួន២គ្រឿង ម៉ាកសាំ​សុង និងមួយគ្រឿងទៀត ម៉ាក iPhone 6 Plus តំម្លៃជាង600$ ។ ចំនែកស្ត្រីម្នាក់ ដែលជាបក្សពួករបស់ស្រ្តី ដែលលួចកាបូបលុយ​ យក​​ទៅបាត់នោះ​ ត្រូវជនរងគ្រោះឃាត់ខ្លួន យកទៅ​ប៉ុស្តិ៍ទួលសង្កែ​ សួរនាំ។បើតាមសំដី របស់ស្ត្រីជនសង្ស័យ បានឆ្លើយប្រាប់សមត្ថកិច្ចទៀតថា ខ្លួនមិនបានផ្សំគំនិត លួចកាបូបរបស់ភ្ញៀវនោះទេ គាត់ក៏បានប្រាប់ភ្ញៀវ ដែលជាស្ត្រីម្នាក់ទៀតថា មានស្ត្រីម្នាក់លួចទូរស័ព្ទដៃ និងលុយ យកទៅបាត់ហើយ ប៉ុន្តែគាត់មិនព្រមតាម។ក្រោយពេលកើតហេតុ ជនរងគ្រោះគាត់បាន ទៅដាក់ពាក្យបណ្តឹង នៅប៉ុស្តិ៍នគរបាលទួលសង្កែ ចំនែកឯស្ត្រីរកស៊ីផ្លូវ ដែលឃាត់ខ្លួននោះ មិនមានជាប់ពាក់ព័ន្ធ ក៏អោយត្រឡប់ទៅផ្ទះវិញ ៕អត្ថទ ទេព វណ្ណះ