ស្ងាត់ៗ!​ ZTE ​កំពុង​ផលិត​ទូរសព្ទ​កាច់​បត់​បាន​ពាក់​កណ្ដាល​ខ្លួន​

ទូរសព្ទ​​ឈ្មោះ  Axon M  របស់​ក្រុម​ហ៊ុន ZTE ដែល​អាច​កាច់​បត់​បាន​នឹង​លេច​រូប​រាង​នៅ​ពាក់​កណ្ដាល​ខែ​តុលា​ ហើយ​ក្រុមហ៊ុន​ចិន​មួយ​នេះ​នឹង​មមាញឹក​ចំពោះ​ការ​ផលិត​ម៉ូដែល​​ទូរសព្ទ​នេះ​ ។

ស្ថិត​ក្រោម​កូដ​ឈ្មោះ​ថា​ <> ប្រសិន​មិន​បត់​ Axon M មាន​​ទំហំ​ screen ៦,៨ ​អ៊ីង​ជាមួយ​នឹង​ resolution ​កម្រិត​ ២ ១៦០ ​គុណ​នឹង​ ១ ៩២០ ​ភិចស៊ែល​  RAM 4 GB ​ផ្ទុក​ក្នុង​ម៉ាស៊ីន​ 32GB ​បន្ទះ​ឈីប​ប្រភេទ​ Snapdragon 820 ​និង​ថាមពល​ថ្ម​ ៣ ១២០ ​មីល្លី​អំពែ​ (mAh)។

វា​ខុស​ប្លែក​ពី​ Galaxy X ដែល​Samsung  ​អះ​អាង​ថា​អាច​ពត់​អេក្រង់​បាន។ Axon M អាច​កាច់​បត់​អេក្រង់​ទាំង​ពីរ​ឱ្យ​នៅ​ដាច់​ដោយ​ឡែក​ពី​គ្នា​ហើយ​អេក្រង់​នីមួយៗ​មាន​កម្រិត​ resolution ១០៨០ ​ភិចស៊ែល​ និង​នៅ​ពេល​កាច់​បត់​មាន​អេក្រង់​ទាំង​មុខ​និង​ក្រោយ​មិន​ដូច​ទូរសព្ទ​ Meizu Pro 7 ​របស់​ក្រុមហ៊ុន​ចិន​ Meizu ​និង​ YotaPhone ​របស់​រុស្ស៊ី​ឡើយ​ ។ ទូរសព្ទ​កាច​បត់​​នេះ​នឹង​មាន​លក់​លើ​ក្រុមហ៊ុន​ចែក​ចាយ​ AT&T ​​ក្នុង​​តម្លៃ​រាយ​ ៦៥០ ​ដុល្លារ​​នៅ​​អាមេរិក ៕


ប្រភព៖ GSMarena