ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានៅថ្ងៃទី ២៩ ខែ កញ្ញានេះ បានប្រកាសជួយជាមួយសិល្បករមួយឆ្នាំម្តងចាប់ពីឆ្នាំ២០១៨។
ក្នុងពិធីសំណេះសំណាល និងបំពាក់គ្រឿងឥស្សរិយយសជូនលោកព្រឹទ្ធាចារ្យកោសល្យវោហារ គង់ណៃ ទទួលបានពានរង្វាន់សិល្បៈវប្បធម៌ក្រុងហ្វូកុអូកា ប្រទេសជប៉ុន ដែលធ្វើនៅទីស្តីការគណៈរដ្ឋមន្ត្រី សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា មានប្រសាសន៍ថា ជំនួបមួយឆ្នាំម្តងនេះ គឺត្រូវធ្វើជាមួយទិវាវប្បធម៌៣ មិនា តែម្តង។
សម្តេចតេជោ បន្ថែមថា ជំនួបនេះ គឺធ្វើឡើងដើម្បីផ្សារភ្ជាប់ពីទម្រង់សិល្បៈមួយទម្រង់សិល្បៈមួយមិនថា សិល្បៈបុរាណ ឬ សិល្បៈសម័យនោះទេ។
កន្លងមកសម្តេចតេជោ ហ៊ុនសែន បានរៀបចំឲ្យមានជំនួបប្រចាំឆ្នាំជាមួយស្ថាប័ន និងវិស័យជាច្រើនដូចជា ជំនួបជាមួយប្រជាពលរដ្ឋខ្មែរដែលកាន់សាសនាឥស្លាម ជំនួបជាមួយក្រុមកីឡាករ កីឡាការិនី ជំនួបជាមួយសមាគមអានិកជនចិន ជំនួបជាមួយប្រជាពលរដ្ឋដែលកាន់សាសនាគ្រិស្ត ជំនួបជាមួយក្រុមអ្នកការពារបរិស្ថានជាដើម៕
