Google នឹងបើកព្រឹត្តិការណ៍ដាក់បង្ហាញទូរសព្ទ Pixel 2 នៅសប្ដាហ៍ក្រោយនៅថ្ងៃទី ៤ តុលា។ ស្រាប់តែពេលនេះ មានលេចលឺមកថា ស្មាតហ្វូនម៉ូដែលក្រោយនោះនឹងមាននាំមកមុខងារ Portrait Mode ខាងក្នុងកម្មវិធីកាមេរ៉ាដូចមានលើទូរសព្ទ iPhone Plus និង 8 Plus។
តាមការលើកឡើងពី Russaovskii សម្រាប់ Pixel 2 មិនច្បាស់មានកាមេរ៉ាភ្លោះដូច iPhone 7 Plus នោះទេ ក្នុងការថតរូបព្រាល Background ក្រោយ។ បែបនេះហើយទើប Google កំពុងមមាញឹកលើការពង្រឹងប្រព័ន្ធ Software របស់ខ្លួនឲ្យបានដិតដល់បន្តិច ដើម្បីឲ្យ Portrait Mode អាចដំណើរការទៅបានយ៉ាងរលូន។
មុខងារពិសេសដែលលេចលឺផ្សេងទៀតគឺ Music Recognition ដែលមុខងារឆ្លាតវៃនេះអាចចាប់ពីចំណងជើងនិងម្ចាស់បទចម្រៀងលើផ្ទៃ Lock Screen អំឡុងពេលចាក់ចម្រៀងលើទូរសព្ទតែម្តង។
រំឮកថា Pixel 2/2 XL ត្រូវបានគេរំពឹងទុកនឹងមានផ្ទៃអេក្រង់ពេញ ហើយមានមុខងារអាចច្របាច់គែមសងខាងបានស្រដៀងនឹង HTC U11 ដែរ បន្សំនឹងជម្រើសពណ៌ថ្មីមួយទៀត ដែលយើងរាល់គ្នាមិនអាចទាយទុកមុនបាន។
ប្រភព៖
ibtimes
