នាយកប្រតិបត្តិក្រុម Paris Saint-Germainលោក Nasser Al-Khelaifi និយាយលើកតម្កើង Neymar ថាជាកីឡាករល្អជាងគេលើលោក បន្ទាប់ពីកីឡាកររូបនេះជួយក្រុមយកឈ្នះ Bayern Munich នៅ Champions League។
PSG បានលត់ក្រុមមកពីអាល្លឺម៉ង់ ៣-០ ហើយវាក៏ជាការវិលត្រឡប់មកទឹកដីបារាំងសាជាថ្មីរបស់លោក Carlo Ancelotti អ្នកចាត់ការរបស់ Bayern។ ជ័យជម្នះនេះគួរតែអរគុណដល់គ្រាប់បាល់របស់ Edinson Cavani, Dani Alves និងកីឡាករថ្លៃជាងគេលើលោក Neymar។
ក្រោយចប់ការប្រកួតលោក Al-Khelaifi បានថ្លែងថា៖ "Neymar? អ្នកគ្រប់គ្នាស្គាល់គេហើយ។ គេគឺជាកីឡាករអស្ចារ្យ។ កីឡាករល្អជាងគេក្នុងលោក ប៉ុន្តែកីឡាករផ្សេងទៀតក៏ធ្វើបានល្អដូចគ្នា។ ពួកយើងរីករាយជាមួយជ័យជម្នះ និងការប្រឹងប្រែងដែលពួកយើងបានធ្វើ។ ខ្ញុំសប្បាយជាមួយនឹងការប្រកួត ដែលលេងជាមួយក្រុមធំ។ ពួកយើងពិតជាមានមោទនភាព ប៉ុន្តែផ្លូវនៅវែងឆ្ងាយទៀត៕
តារាងពិន្ទុពូល B
ប្រភព៖
Goal
