ដំណឹងដ៏ក្រៀមក្រំនេះបានធ្វើឱ្យជនរួមជាតិទូទាំងប្រទេស មានការសោកស្ដាយជាពន់ពេក ចំពោះការបាត់បង់ធនធានមនុស្សដ៏មានតម្លៃបំផុតមិនអាចកាត់បានថ្លៃបាន របស់កម្ពុជា។ ខាងក្រោមនេះជាសមិទ្ធផលធំៗជាប្រវត្តិសាស្ត្ររបស់លោក វណ្ណ ម៉ូលីវណ្ណ ដែលកូនខ្មែរគ្រប់រូបចងចាំមិនអាចបំភ្លេចបាន៖
១. វិមានរដ្ឋចំការមន ១៩៥០-១៩៦០ បច្ចុប្បន្នជាវិមានព្រឹទ្ធសភា
២. វិមានឯករាជ្យឆ្នាំ ១៩៥៨
៣. សាលពិព័រណ៍សង្គមរាស្ត្រនិយមឆ្នាំ ១៩៦១
៤. សាលន្និសីទចតុមុខឆ្នាំ ១៩៦១
៥. ពហុកីឡដ្ឋានជាតិអូឡាំពិក ១៩៦៤
៦. មហាវិទ្យាល័យបណ្ដុះបណ្ដាលគ្រូ ១៩៧២ បច្ចុប្បន្នជាវិទ្យាស្ថានភាសាបរទេស
ក្រៅពីនេះនៅមានសមិទ្ធផលធំៗជាច្រើនទៀតដូចជា៖
៧. ផ្ទះល្វែងនៅអូឡាំពិក ឆ្នាំ ១៩៦៣
៨. សំណង់ផ្ទះ១០០ ឆ្នាំ១៩៦៥
៩. សាលមហោស្រពជាតិព្រះសុរាម្រិត ១៩៦៨ (សាលមហោស្រពនេះត្រូវភ្លើងឆេះក្នុងឆ្នាំ ១៩៩៤ និងមិនត្រូវបានជួសជុលឡើងវិញឡើយ)
១០. ក្រុមហ៊ុនស្រាបៀ SKD និងលំនៅដ្ឋានបុគ្គលិកឆ្នាំ ១៩៦៨ នៅខេត្តព្រះសីហនុ
១១. ធនាគារជាតិកម្ពុជា និងលំនៅឋានបុគ្គលិកខេត្តព្រះសីហនុឆ្នាំ ១៩៦៨៕
