ការនិយាយការពារ League Cup បែបនេះ ដោយសារកាលពីសប្ដាហ៍មុនអ្នកចាត់ការក្រុមនៅទីក្រុង Manchester ទាំងពីរបាននិយាយមិនឲ្យតម្លៃលើពានមួយនេះ។ Mourinho បានលើកឡើងថា ក្លឹបនៅអង់គ្លេសទាំងអស់អាចនឹងលេងល្អប្រសើរ ប្រសិនពួកគេមិនចូលលេងនៅ League Cup ខណៈលោក Guardiola ថ្លែងថា ពាននេះពិតជាធ្វើឲ្យខាងកម្លាំង។
ផ្ទុយពីមតិរបស់អ្នកចាត់ការទាំងពីរខាងលើ លោក Wenger បាននិយាយថា៖ ជាមួយសម្ពាធដែលក្លឹបទាំងអស់កំពុងស្ថិតក្រោម អ្នកមិនអាចលះបង់បានគ្រប់ពានទាំងអស់ទេ។ ប៉ុន្តែអ្នកត្រូវតែលេង ទោះវាជាពានតូចតាចក៏ដោយ។ នៅវគ្គ១៦ក្រុម Carabao Cup ( League Cup) នៅថ្ងៃខាងមុខ Arsenal នឹងត្រូវជួប Norwich City ខណៈ Man City ប៉ះ Wolves ឯ United លេងទល់នឹង Swansea City៕
