អ៊ីចឹងតើការប្ដូរឈ្មោះរមណីយដ្ឋានប្រវត្តិសាស្ត្រ «ឋានសួគ៌បូកគោ» ទៅជា «សុខាឋានសួគ៌» រកមូលហេតុឃើញហើយ!បន្ទាប់ពីមានការផ្លាស់ប្ដូរឈ្មោះរមណីយដ្ឋានប្រវត្តិសាស្រ្តដ៏ល្បីរបស់កម្ពុជា «ឋានសួគ៌បូកគោ» ទៅជា «សុខាឋានសួគ៌» បង្កឱ្យមានការភ្ញាក់ផ្អើល ក៏ដូចជាងឿងឆ្ងល់យ៉ាងខ្លាំងពីមូលហេតុនៅពីក្រោមការផ្លាស់ប្ដូរឈ្មោះនេះ ដោយមិនមានការប្រកាសប្រាប់ដល់សាធារណជនឱ្យបានទទួលជ្រាបពីជាមុនទាល់តែសោះ ។ស្របពេលដែល អ្នកលេងហ្វេសប៊ុកកំពុងតែចាត់ទុករឿងនេះជាប្រធានបទដ៏ក្តៅមួយ ស្រាប់តែក្រុមហ៊ុនសុខារបស់អ្នកឧកញ៉ា សុខ គង់ បានប្រកាសក្នុងសេចក្តីថ្លែងការណ៍របស់ខ្លួនថា ការផ្លាស់ប្ដូរឈ្មោះនេះគឺដើម្បីឆ្លើយតបទៅនឹងតម្រូវការរបស់ភ្ញៀវទេសចរ ដោយផ្តល់នូរសេវាកម្មថ្មីពីរមណីយដ្ឋានចំណាត់ថ្នាក់ផ្កាយ៤ មកជារមណីយដ្ឋានលក្ខណៈអន្តរជាតិលំដាប់ផ្កាយ ៥ ។យ៉ាងណាមិញ ការដូរឈ្មោះ«ឋានសួគ៌បូកគោ» ទៅជា «សុខាឋានសួគ៌» ស្ងាត់ៗបែបនេះ បណ្ដាលឱ្យពលរដ្ឋខ្មែរជាច្រើន នាំគ្នាសម្តែងការមិនពេញចិត្ត និង ផ្ទុះការរិះគន់យ៉ាងផុសផុល ព្រោះនេះជារមណីយដ្ឋានប្រវត្តិសាស្រ្តដ៏យូរលង់របស់កម្ពុជា ហើយពួកគេក៏បានបញ្ចេញមតិឱ្យក្រុមហ៊ុននៅរក្សាឈ្មោះដើមដដែលទៀតផង ៕អត្ថបទ ទេព វណ្ណះ
