ការចុះអញ្ជើញនេះដឹកនាំដោយលោកឃួង ស្រេង អភិបាលរាជធានីភ្នំពេញ និងលោកស្រីអភិបាលខណ្ឌទាំង១២ អញ្ជើញចុះសួរសុខទុក្ខ និងនាំយកអំណោយជូនកងទ័ពជួរមុខនៅ កងពលតូចអន្ដរាគមន៍លេខ១២៨ នៅស្រុកសៀមប៉ាង ខេត្តស្ទឹងត្រែង ព្រំដែនឡាវដើម្បីលើកទឹកចិត្តដល់ជួរមុខក្នុងឱកាសបុណ្យភ្ជុំបិណ្ឌ។
គួបញ្ជាក់ផងដែរថា គណៈប្រតិភូដែលដឹកនាំដោយ លោក ឃួង ស្រេង អភិបាលរាជធានីភ្នំពេញបានធ្វើការសំណេះសំណាលជាមួយកងពលតូចអន្ដរាគមន៍លេខ១២៨ និងចុះហត្ថលេខាចងសម្ព័ន្ធមេត្រីភាពជាមួយគ្នាផងដែរ៕អត្ថបទ ទេព វណ្ណះ
