រាជធានីភ្នំពេញ ៖ យុវជន២នាក់មិនដឹងថា ចេញពីផឹកស៊ីនៅកន្លែងណានោះទេបានបើករថយន្តកាមរីបាឡែនរេចង្កូតជ្រុលទៅបុកក្បាលនាគពុះចែកទ្រូងផ្លូវបណ្តាលឱ្យអស់២កង់ព្រមទាំងធ្វើឲ្យរថយន្តរងការខូចខាតផងដែរ ហេតុការណ៍នេះកើតឡើងនៅវេលាម៉ោង២និង៣០នាទី រំលងអធ្រាត្រឈានចូលថ្ងៃទី១៤ ខែកញ្ញា ឆ្នាំ២០១៧ ទល់មុខនឹងស្ថានទូតឡាវ ផ្លូវម៉ៅសេងទុង សង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញបុរស២នាក់មិនដឹងថា ចេញពីផឹកស៊ីនៅកន្លែងណានោះទេបានបើករថយន្តម៉ាកកាមរីបាឡែន ពណ៌ស ពាក់ស្លាកលេខ ភ្នំពេញ 2AE-9027 ធ្វើដំណើរតាមផ្លូវម៉ៅសេងទុងទិសដៅពីលិចទៅកើតក្នុងល្បឿនលឿនព្រមទាំងស្រវឹងផងនោះ ខណៈមកដល់ចំណុចកើតហេតុក៏ស្រាប់តែរថយន្តបានរេចង្កូតជ្រុលទៅបុកនឹងក្បាលនាគពុះចែកផ្លូវពេញទំហឹងបណ្តាលឱ្យបាក់អស់ចំនួន២កង់ព្រមទាំងធ្វើរថយន្តរងការខូចខាតតែមិនមានគ្រោះថ្នាក់ដល់អ្នកជិះក្នុងរថយន្តនោះទេ ។
ក្រោយពេលកើតហេតុសមត្ថកិច្ចជំនាញខណ្ឌចំការមនបានមកដល់កន្លែងកើតហេតុរួចហើយបានទំនាក់ទំនងទៅខាងជំនាញក្រុងឱ្យមកស្ទូចយករថយន្តបង្កទៅរក្សាទុកនៅការរិយាល័យចរាចរណ៍ជើងគោករាជធានីភ្នំពេញដើម្បីធ្វើការដោះស្រាយ ៕អត្ថបទ ទេព វណ្ណះ
