លោកអធិការរងបានបន្តថា នៅមុនម៉ោងកើតហេតុ ជនរងគ្រោះបានជិះម៉ូតូម៉ាក ZoomerX ពណ៌សលាយស្លាទុំ ពាក់ស្លាកលេខ ភ្នំពេញ 1GJ3323 ដោយធ្វើដំណើរតាមបណ្តោយផ្លូវ៣៦៩ ក្នុងភូមិកោះក្របី សង្កាត់ព្រែកថ្មី ខណ្ឌច្បារអំពៅ ក្នុងទិសដៅពីត្បូងទៅជើង ក៏ស្រាប់តែមានរថយន្តមិនស្គាល់ម៉ាក បានបើកមកកៀររួចបើកគេចបាត់ ខណៈដែលជនរងគ្រោះត្រូវបានខ្ទាតទៅចិញ្ចើមផ្លូវ។
សាក្សីនិយាយថា ជនរងគ្រោះពីរនាក់ម្តាយ និងកូននេះ ទើបចេញមកពីវត្តព្រែកថ្មី ហើយក៏ជួបគ្រោះចរាចរណ៍បែបនេះទៅ។ ជនរងគ្រោះត្រូវបានរថយន្តសង្គ្រោះមណ្ឌលសុខភាពច្បារអំពៅ ដឹកយកទៅមន្ទីរពេទ្យព្រះកេតុមាលា៕អត្ថបទ ទេព វណ្ណះ
