តាមប្រភពពីនគរបាលឱ្យដឹងថា មុនពេលកើតហេតុ រថយន្តធុនតូចមួយគ្រឿងម៉ាកSCION ពណ៌ទឹកប្រាក់ ពាក់ស្លាកលេខភ្នំពេញ២AG-៦០៧៩ ដែលបើកបរដោយនារីវ័យក្មេងម្នាក់តាមបណ្តោយផ្លូវព្រះសុធារស ក្នុងទិសដៅពីត្បូងទៅជើង ។ លុះមកដល់ចំណុចកើតហេតុ ដែលជាផ្លូវបំបែកជា៤នោះ ក៏ស្រាប់តែមានក្រុមក្មេងស្ទាវមួយក្រុមមានគ្នា៣នាក់បោះពួយម៉ូតូម៉ាកហុងដា C125 ព៌ណខ្មៅ ពាក់ស្លាកលេខភ្នំពេញ១DG-១៣៥៤ មួយគ្រឿង ក្នុងទិសដៅពីលិចទៅកើតក្នុងល្បឿនយ៉ាងលឿនដូចហោះទៅបុករថ យន្តមួយគ្រឿងនោះចំពីចំហៀងខាងឆ្វេងផ្នែកខាងមុខពេញទំហឹង បណ្តាលឱ្យពួកគេទាំង៣នាក់ដួលរដូករណែល ខ្លះរលាត់ដៃ ជើង និងខ្លះបែកមុខបែកមាត់ហូរឈាមរងរបួសធ្ងន់និងស្រាល ។ ចំណែកឯរថយន្តក្រពិតផ្នែកខាងមុខ និងម៉ូតូបាក់ក្បាំងរងការខូចខាតយ៉ាងដំណំដូចគ្នា។
ក្រោយពេលកើតហេតុ កម្លាំងមានសម្ថកិច្ចទៅដល់កន្លែងកើតហេតុ ធ្វើការវាស់វែងនិងអោយភាគីរថយន្ត និងម៉ូតូធ្វើការដោះ ស្រាយគ្នាដោយភាគីក្រុមក្មេងស្ទាវខាងម៉ូតូយល់ព្រមចេញថ្លៃធ្វើការជួសជុលរថយន្តឱ្យភាគីនារីវ័យក្មេងខាងលើ ដើម្បីបញ្ចប់ រឿង និងបណ្តើរគ្នាចេញទៅរកកន្លែងជួយជុលបាត់ទៅ ៕អត្ថបទ ទេព វណ្ណះ
