ក្រោយពីបរាជ័យក្រោមក្រុម Barcelona លោក Massimiliano Allegri បានថ្លែងថា លោកតែងតែព្រួយបារម្ភខ្លាំងនៅពេលដែលកូនក្រុមទុកពេលនិងចន្លោះច្រើនឲ្យ Lionel Messi ព្រោះគេជាកីឡាករគ្រោះថ្នាក់។
ក្នុងជ័យជម្នះ ៣-០ លើ Juventus កីឡាករអាហ្សង់ទីនអាចទម្លុះដៃអ្នកចាំទី Gianluigi Buffon បាន២គ្រាប់ ខណៈ១គ្រាប់ទៀតធ្វើបានដោយខ្សែបម្រើ Ivan Rakitic។ បន្ទាប់ពីខកចិត្តនៅប្រកួតដំបូងអ្នកចាត់ការរបស់ Allegri បាននិយាយថា៖ "Barcelona គឺជាក្រុមមួយដែលលេងបានល្អ។ នៅវគ្គទី១ ខ្ញុំគិតថា ពួកយើងអាចបិទ Messi និង Iniesta បានល្អហើយ ប៉ុន្តែចូលវគ្គទី២អ្វីៗបានប្រែប្រួល"។
បុរសសញ្ជាតិអ៊ីតាលីបានបន្ថែមថា៖ "Messi អាចធ្វើឲ្យអ្វីៗប្រែប្រួលតែ Dybala មិនអាចធ្វើបាន។ Messi ទាត់៣ជើង ចូលដល់ទៅ២គ្រាប់ និងបុករបាទីម្ដង។ គេពិតជាពិបាកបិទ ប្រសិនទុកចន្លោះឲ្យគេច្រើន"៕
ប្រភព៖ Marca ប្រែសម្រួល៖ ឡៃហ៊ាង