Mourinho បង្ហាញអារម្មណ៍មិនសប្បាយចិត្តបើទោះជាឈ្នះ FC Basel ៣-០ ក្នុងការប្រកួត Champions League កាលពីយប់មិញក៏ដោយ។
អាការៈមិនសប្បាយចិត្តរបស់អ្នកចាត់ការក្រុមបិសាចក្រហមកើតឡើងភ្លាមៗបន្ទាប់ពីកម្លាំងសំខាន់ Paul Pogba មានបញ្ហារបួសលើទីលានហើយត្រូវប្ដូរចេញត្រឹម១៩នាទីប៉ុណ្ណោះ។ ព័ត៌មានចុងក្រោយឲ្យដឹងថា Pogba រងរបួសសរសៃពួរហើយទំនងជាអវត្តមានពីទីលានប្រកួតប៉ុន្មានសប្ដាហ៍។
ខ្សែបម្រើសញ្ជាតិបារាំងធ្លាប់មានប្រវត្តិសម្រាកព្យាបាលរបួស៦ខែដោយសារសរសៃពួរនេះ ដែលវាគឺជាមូលហេតុដែលលោក Mourinho កំពុងព្រួយបារម្ភ។ កីឡាករវ័យ២៤ឆ្នាំក៏ធ្លាប់របួសមួយរយៈខ្លីផងដែរកាលពីប្រកួតជាមួយ Rostov នៅពាន Europa League ដើមឆ្នាំ២០១៧៕
ប្រភព៖ Dailymail
