ចំណែកបុរស៣នាក់ទៀតដែលជនជាតិវៀតណាម រងរបួសធ្ងន់ មិនទាន់ស្គាល់អត្តសញ្ញាណនៅឡើយទេ គ្រាន់តែដឹងថាជិះម៉ូតូម៉ាកយ៉ាម៉ាហា ស៊ីរុស ពណ៌ក្រហម បិទស្កុតពណ៌ខ្មៅ ពាក់ស្លាកលេខ ភ្នំពេញ 1BI-6215 តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញបុរសម្នាក់បានជិះម៉ូតូម៉ាក់ ស្មាសវី ពណ៌ខ្មៅ បានធ្វើដំណើរតាមផ្លូវជាតិលេខ២ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ក៏ស្រាប់តែបុរសបីនាក់ដែលជាជនជាតិវៀតណាម មិនដឹងចេញពីផឹកស៊ីវិញនៅកន្លែងណានោះទេ គឺបានជិះម៉ូតូម៉ាកយ៉ាម៉ាហា ស៊ីរុស ពណ៌ក្រហម បិតទស្កុតពណ៌ខ្មៅ បានធ្វើដំណើរតាមផ្លូវជាតិលេខ២ ក្នុងទិសដៅពីជើងទៅត្បូង តែដោយសារតែផ្លូវដែលពួកគេកំពុងតែធ្វើដំណើរ ត្រូវគេហាមឃាត់មិនឲ្យឆ្លងកាត់ ព្រោះផ្លូវកំពុងជួសជុល ទើបពួកគេសម្រេចចិត្តជិះទៅផ្លូវម្ខាងទៀត បញ្ច្រាស់ទិសដៅចរាចរណ៍ ក្នុងល្បឿនលឿនព្រមទាំងស្រវឹងផងនោះ បានជ្រុលទៅបុកនឹងម៉ូតូដែលជិះដោយបុរសម្នាក់ចំពីមុខពេញហឹង បណ្តាលឲ្យអ្នកជិះម៉ូតូម្នាក់ឯងរងរបួសបែកក្បាល បាក់កស្លាប់នៅនឹងកន្លែងកើតហេតុ ចំណែកម៉ូតូរងការខូចខាតបាក់ខ្នងខាងមុខ។
ដោយឡែកខាងម៉ូតូដែលជិះគ្នាបីនាក់វិញ រងរបួសធ្ងន់សន្លប់ស្តូកស្តឹង ត្រូវបានរថយន្តសង្គ្រោះបានមកដឹកយកទៅសង្គ្រោះ នៅមន្ទីពេទ្យម្នាក់ និងគ្លីនិកឯកជន២នាក់ ចំណែកម៉ូតូវិញរងការខូចខាតបាក់ខ្នងខាងមុខដូចគ្នា។ ក្នុងហេតុការណ៍នេះដែរ ឃើញមានសាច់ញាតិបងប្អូន ជនរងគ្រោះ បានមកយំសោកអោបសពជនរងគ្រោះ ទាំងទឹកចិត្តខ្លោចផ្សាបំផុត។ ក្រោយពេលកើតហេតុ ឃើញមានកម្លាំងសមត្ថកិច្ចមូលដ្ឋាន និងជំនាញបានចុះទៅដល់កន្លែងកើតហេតុ រួចហើយបានធ្វើកាវាស់វែងយកម៉ូតូទាំងពីរគ្រឿងទៅរក្សារទុកនៅការរិយាល័យចរាចរណ៍ជើងគោកដើម្បីធ្វើការដោះស្រាយ។ ចំណែកសពជនរងគ្រោះត្រូវបានសមត្ថកិច្ចធ្វើកំណត់ហេតុប្រគល់ឲ្យសាច់ញាតិយកទៅធ្វើបុណ្យនៅស្រុកកំណើតនៅខេត្តកំពត៕អត្ថបទ ទេព វណ្ណះ
