បន្ទាប់ពីឃាត់ខ្លួនបាន ជនសង្ស័យខាងលើ បានសារភាពប្រាប់សមត្ថកិច្ចអាវុធហត្ថឲ្យដឹងថា មុនពេលខ្លួនធ្វើសកម្មភាពប្លន់ រូបខ្លួននិងមិត្តភក្តិ ០១នាក់ ឈ្មោះហៅក្រៅ ឪ បានទិញស្រាថ្នាំផឹក នៅរង្វង់មូលស្តាតចាស់ នៅចំណុចកើតហេតុខាងលើ លុះផឹកអស់ប្រហែល ០៥ដប ក៍ឃើញជនរងគ្រោះ ជិះម៉ូតូ ០១គ្រឿងម៉ាក ហុងដាសេ១២៥ ពណ៍ខ្មៅ បិទពណ៍ទឹកមាស ស្លាកលេខ ក្រចេះ1B-5665 ស៊េរី ឆ្នាំ ២០១៤ ដោយមានឌុបសង្សារមកជាមួយ មកឈប់ក្បែរនោះ ហើយជនរងគ្រោះបានចុះពីលើម៉ូតូ ដើរទៅ បត់ជើងតូច ចំណែកនារីជាសង្សារឈរនៅក្បែរម៉ូតូ ដោយឃើញឳកាសល្អ ជនសង្ស័យខាងលើ បានដើរទៅយកដាវសាម៉ូរ៉ៃ របស់ខ្លួន ០១ដើម ដែលលាក់ទុកក្នុងគុម្ពស្មៅក្បែរនោះ ភ្លាមនោះជនសង្ស័យខាងលើ បានដើរសំដៅទៅជនរងគ្រោះ ហើយបានគំរាម និងកាប់ទៅលើជនរងគ្រោះ ០២ដាវ បណ្តាលឲ្យត្រូវរបួសត្រង់ក្បាល និងដៃជាទម្ងន់ ដោយគោលបំណងប្លន់យកម៉ូតូ ពីជនរងគ្រោះ ហើយបានប្រតាយប្រតប់គ្នា ស្របពេលកម្លាំងល្បាតអាវុធហត្ថខណ្ឌដូនពេញ កំពុងល្បាតឃើញ ក៏ អន្តរាគមន៍ បង្ក្រាបបានភ្លាមៗផងដែរ។
បច្ចុប្បន្ន ជនសង្ស័យខាងលើ ត្រូវបានសមត្ថកិច្ចជំនាញនៃការិយាល័យបង្ក្រាបបទល្មើសព្រហ្មទណ្ឌ អាវុធហត្ថរាជធានីភ្នំពេញ កំពុងកសាងសុំណុំរឿងបញ្ជូនទៅតុលាការ ដើម្បីផ្តន្ទាទោសតាមច្បាប់។អត្ថបទ ទេព វណ្ណះ
