ខេត្តពោធិ៍សាត់ ៖ កម្លាំងមូលដ្ឋានកងរាជអាវុធហត្ថស្រុកភ្នំក្រវាញដឹកនាំដោយលោក ចាន់ សុខា ជាមេបញ្ជាការសហការជាមួយកម្លាំងស្រាវជ្រាវ និងបង្ក្រាបបទល្មើសធនធានធម្មជាតិ កងរាជអាវុធហត្ថលើផ្ទៃប្រទេស បានចុះបង្ក្រាបបទល្មើសព្រៃឈើនៅទីតាំងមួយកន្លែងរឹបអូសបានជិត២០០ដុំប្រគល់ឲ្យមន្ត្រីជំនាញ ។ ប្រតិបត្តិការខាងលើនេះធ្វើឡើងកាលពីវេលាម៉ោង១២និង២០នាទីថ្ងៃត្រង់ ថ្ងៃទី២៨ ខែសីហា ឆ្នាំ២០១៧ ត្រង់ចំណុចផ្ទះមួយកន្លែង ស្ថិតក្នុងភូមិក្រញាំ ឃុំផ្ទះរុង ស្រុកភ្នំក្រវាញ ។
លោកវរសេនីយ៍ត្រី ចាន់ សុខា មេបញ្ជាការមូលដ្ឋានកងរាជអាវហត្ថស្រុកភ្នំក្រវាញបានឲ្យដឹងថា ក្នុងកិច្ចប្រតិបត្តិការខាងលើនេះកម្លាំងបានធ្វើការបង្ក្រាបឈើប្រណិតប្រភេទធ្នង់បានចំនួន១៩៥ដុំដែលឈ្មួញទុច្ចរិតបម្រុងរៀបចំដាក់លើរថយន្ដដឹកចេញទៅលក់នៅឯភ្នំពេញ ។
ប្រភពព័ត៌មានពីមន្ត្រីជំនាញ និងសមត្ថកិច្ចនានាឲ្យដឹងថា សព្វថ្ងៃនេះការដឹកជញ្ជូនឈើប្រណិតនៅខេត្តពោធិ៍សាត់គេមិនដឹកឈូឆរតាមរថយន្ដភ្លូកទឹកភ្លូកដីដូចកាលពីមុននោះទេគឺគេប្រើរូបភាពដឹកតាមម៉ូតូវិញ បើសមត្ថកិច្ចហ៊ានចាប់ពួកគេនឹងទូរស័ព្ទទៅចៅហ្វាយខេត្តភ្លាមព្រោះជាលក្ខណៈគ្រួសារ ៕ អត្ថបទ: ទេព វណ្ណះ
លោកវរសេនីយ៍ត្រី ចាន់ សុខា មេបញ្ជាការមូលដ្ឋានកងរាជអាវហត្ថស្រុកភ្នំក្រវាញបានឲ្យដឹងថា ក្នុងកិច្ចប្រតិបត្តិការខាងលើនេះកម្លាំងបានធ្វើការបង្ក្រាបឈើប្រណិតប្រភេទធ្នង់បានចំនួន១៩៥ដុំដែលឈ្មួញទុច្ចរិតបម្រុងរៀបចំដាក់លើរថយន្ដដឹកចេញទៅលក់នៅឯភ្នំពេញ ។
ប្រភពព័ត៌មានពីមន្ត្រីជំនាញ និងសមត្ថកិច្ចនានាឲ្យដឹងថា សព្វថ្ងៃនេះការដឹកជញ្ជូនឈើប្រណិតនៅខេត្តពោធិ៍សាត់គេមិនដឹកឈូឆរតាមរថយន្ដភ្លូកទឹកភ្លូកដីដូចកាលពីមុននោះទេគឺគេប្រើរូបភាពដឹកតាមម៉ូតូវិញ បើសមត្ថកិច្ចហ៊ានចាប់ពួកគេនឹងទូរស័ព្ទទៅចៅហ្វាយខេត្តភ្លាមព្រោះជាលក្ខណៈគ្រួសារ ៕ អត្ថបទ: ទេព វណ្ណះ