នគរបាលអន្តោប្រវេសន៍ និយាយថា បញ្ហានេះ ផ្តើមចេញដោយសារ អស់សំបុត្រចែក ហើយសំបុត្រ គឺខាងសាលាក្រុងជាអ្នកបោះពុម្ព លុះទាក់ទងសួគេថា ដោយសារម៉ាស៊ីនខូច ។ ទោះបីជាយ៉ាងណា មុននេះបន្តិច ខាងសាលាក្រុង បានយកសំបុត្រចំនួន៣០០០ មកចែកជូនបន្ត ធ្វើឲ្យស្ថានភាព មានភាពធូរស្រាលឡើងវិញ ។
ពាក់ព័ន្ធបញ្ហានេះ ប្រជាពលរដ្ឋជាច្រើន កើតការក្តៅក្រហាយ និងនាំគ្នានិយាយថា កន្លងមកពួកគាត់ចេញចូលទៅផ្សាររុងក្លឿ ដោយរលូន ប៉ុន្តែមួយរយ:ខ្លីនេះ បន្ទាប់ពីធ្លាក់សន្លឹកឆ្នោត ទើបលោក ង៉ោ ម៉េងជ្រួន អភិបាលក្រុងប៉ោយប៉ែត ចេញមកអះអាងថា អាណិតពលរដ្ឋ ហើយចែកសំបុត្រមិនគិតលុយ ទីបំផុតបែរជាធ្វើឲ្យពួកគាត់ ក្តៅក្រហាយ រអាក់រអួល ស្ទើរតែដាច់ឆ្នាំងបាយ ព្រោះមិនបានចូលទៅផ្សាររុងក្លឿ ដើម្បីប្រកបអាជីវកម្មរបស់ខ្លួន បានរលូនដូចសព្វ១ដង ៕ អត្ថបទ: ទេព វណ្ណះ
