រាជធានីភ្នំពេញ ៖ បុរសម្នាក់ បានជិះម៉ូតូមួយគ្រឿងត្រលប់មកពីលេងផ្ទះបងវិញ ត្រូវរថយន្តបើកបុកពីក្រោយពេញទំហឹង បណ្តាលឲ្យដួលបាក់.កស្លាប់ ចំណែករថយន្តបង្ករត់បាត់ស្រមោល ហេតុការណ៍នេះបង្កឲ្យមានការភ្ញាក់ផ្អើលកើតឡើង កាលវេលាម៉ោង១០និង៣៥នាទីយប់ ថ្ងៃទី២៥ ខែសីហា ឆ្នាំ២០១៧ តាមបណ្តោយផ្លូវ៣០ម៉ែត្រ ស្ថិតនៅភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ ។
ជនរងគ្រោះមានឈ្មោះ ឆុន ចាន់រ៉ាក់ ភេទប្រុស អាយុ២៤ឆ្នាំ មុខរបរលក់ដូរ ស្នាក់នៅភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅភូមិង៉ក ឃុំរំចេក ស្រុកព្រះស្តេច ខេត្តព្រៃវែង ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ ១DC-៤៣៣៦ បើកក្នុងទិសដៅពីជើងទៅត្បូង ទើបមកពីលេងផ្ទះបងប្រុស នៅសង្កាត់គីឡូម៉ែត្រលេខ៦ ខណ្ឌឬស្សីកែវ ។
ប្រភពព័ត៌មានពីកន្លែងកើតហេតុ បានឲ្យដឹងថា ៖ មុនពេលកើតហេតុ ជនរងគ្រោះជិះម៉ូតូហុងដា ទិសដៅពីជើងទៅត្បូង មកដល់ចំណុចខាងលើ ស្រាប់តែរថយន្តមិនចាំម៉ាកមួយគ្រឿង បានបើកទៅបុកពីក្រោយពេញទំហឹង បណ្តាលឲ្យដួលបាក់.កស្លាប់ភ្លាមៗ ចំណែកម៉ូតូដួលអូសចូលក្នុងចង្អូរដែលទុកធ្វើជាសួនច្បារពុះចែកផ្លូវ តែផ្លូវទើបនឹងចាក់បេតុងមិនទាន់ធ្វើរួចរាល់នៅឡើយ ។ ឬឯរថយន្តបង្ក បានបើករត់បាត់ស្រមោល ។
ក្រោយពេលកើតហេតុ សាច់ញាតិបងប្អូន និងម្តាយជនរងគ្រោះមកដល់ បានយំសោកបោកខ្លួនស្តាយស្រណោះជនរងគ្រោះដែលជាកូនល្អ រាល់ថ្ងៃតែងតែទៅលក់ដូរបានប្រាក់យកមកឲ្យម្តាយ ហើយមុនពេលកើតហេតុ ជនរងគ្រោះបានទៅលេងផ្ទះបងប្រុសនៅខណ្ឌឬស្សីកែវ ពេលត្រលប់មកផ្ទះវិញ បែរជាជួបគ្រោះថ្នាក់អកុសលរហូតស្លាប់តែម្តង ។
បន្ទាប់ពីកើតហេតុ នគរបាលប៉ុស្តិ៍ស្ទឹងមានជ័យ បានចុះមកដល់ភ្លាមៗ ហើយហៅជំនាញចរាចរណ៍ខណ្ឌមានជ័យ និងធ្វើកំណត់ហេតុប្រគល់ជូនសាច់ញតិយកទៅបុណ្យនៅស្រុកកំណើតតាមប្រពៃណី ៕ អត្ថបទ: ទេព វណ្ណះ
ជនរងគ្រោះមានឈ្មោះ ឆុន ចាន់រ៉ាក់ ភេទប្រុស អាយុ២៤ឆ្នាំ មុខរបរលក់ដូរ ស្នាក់នៅភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅភូមិង៉ក ឃុំរំចេក ស្រុកព្រះស្តេច ខេត្តព្រៃវែង ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ ១DC-៤៣៣៦ បើកក្នុងទិសដៅពីជើងទៅត្បូង ទើបមកពីលេងផ្ទះបងប្រុស នៅសង្កាត់គីឡូម៉ែត្រលេខ៦ ខណ្ឌឬស្សីកែវ ។
ប្រភពព័ត៌មានពីកន្លែងកើតហេតុ បានឲ្យដឹងថា ៖ មុនពេលកើតហេតុ ជនរងគ្រោះជិះម៉ូតូហុងដា ទិសដៅពីជើងទៅត្បូង មកដល់ចំណុចខាងលើ ស្រាប់តែរថយន្តមិនចាំម៉ាកមួយគ្រឿង បានបើកទៅបុកពីក្រោយពេញទំហឹង បណ្តាលឲ្យដួលបាក់.កស្លាប់ភ្លាមៗ ចំណែកម៉ូតូដួលអូសចូលក្នុងចង្អូរដែលទុកធ្វើជាសួនច្បារពុះចែកផ្លូវ តែផ្លូវទើបនឹងចាក់បេតុងមិនទាន់ធ្វើរួចរាល់នៅឡើយ ។ ឬឯរថយន្តបង្ក បានបើករត់បាត់ស្រមោល ។
ក្រោយពេលកើតហេតុ សាច់ញាតិបងប្អូន និងម្តាយជនរងគ្រោះមកដល់ បានយំសោកបោកខ្លួនស្តាយស្រណោះជនរងគ្រោះដែលជាកូនល្អ រាល់ថ្ងៃតែងតែទៅលក់ដូរបានប្រាក់យកមកឲ្យម្តាយ ហើយមុនពេលកើតហេតុ ជនរងគ្រោះបានទៅលេងផ្ទះបងប្រុសនៅខណ្ឌឬស្សីកែវ ពេលត្រលប់មកផ្ទះវិញ បែរជាជួបគ្រោះថ្នាក់អកុសលរហូតស្លាប់តែម្តង ។
បន្ទាប់ពីកើតហេតុ នគរបាលប៉ុស្តិ៍ស្ទឹងមានជ័យ បានចុះមកដល់ភ្លាមៗ ហើយហៅជំនាញចរាចរណ៍ខណ្ឌមានជ័យ និងធ្វើកំណត់ហេតុប្រគល់ជូនសាច់ញតិយកទៅបុណ្យនៅស្រុកកំណើតតាមប្រពៃណី ៕ អត្ថបទ: ទេព វណ្ណះ