តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញក្រុមជួសជុលផ្លូវរបស់ក្រសួងសាធារណៈការ និងដឹកជញ្ជូនបានរំកិលទ្រូងផ្លូវចេញពីទ្រង់ទ្រាយដើមបន្តិចដើម្បីអ៊ុតកៅស៊ូ ខណៈនោះដែរក៏ស្រាប់តែបុរស២នាក់បានបើករថន្តម៉ាក DAWOO ពណ៌ស ពាក់ស្លាកលេខ ភ្នំពេញ ២F-៤៦១៣ ធ្វើដំណើរតាមផ្លូវជាតិលេខ២ ក្នុងទិសដៅពីត្បូងទៅជើងក្នុងល្បឿនលឿនព្រមទាំងខ្វះការប្រុងប្រយ័ត្នផងនោះបានជ្រុលទៅបុកនឹងទ្រូងផ្លូវពេញទំហឹងបណ្តាលឱ្យរថយន្តរងការខូចខាតក្រពិតផ្នែកខាងមុខចំហៀងខាងឆ្វេង និងបែកកញ្ចក់ខាងមុខ ចំណែកទ្រូងផ្លូវអត់មានរងការខូចខាតនោះទេ ។ ប្រភពដដែលបានបន្តទៀតថា បន្ទាប់ពីមានគ្រោះថ្នាក់កើតឡើងហើយគេបានឃើញមានសមត្ថកិច្ចមូលដ្ឋាន និងជំនាញបានចុះទៅដល់កន្លែងកើតហេតុ ស្រាប់តែពេលនោះមានប្រជាពលរដ្ឋម្នាក់បានបោះពាក្យសំដីទៅឱ្យសមត្ថកិច្ចថា សមត្ថកិច្ចអស់នឹងឱ្យលុយតែ២០ដុល្លារទៅគេឱ្យយករថយន្តចេញហើយ ដោយឮសូរសំដីប្រជាពលរដ្ឋនិយាយមើលងាយដល់សមត្ថកិច្ចបែបនេះធ្វើឱ្យលោកអធិការរងទទួលបន្ទុកសណ្តាប់ធ្នាប់ ដែលនៅក្នុងហេតុកាណ៍នេះបានមានអារម្មណ៍ខឹងសម្បារយ៉ាងខ្លាំងរួចហើយបានដកហូតយកទូរស័ព្ទមួយគ្រឿងពីបុរសម្នាក់ដែលបានមកថតរូបគាត់ ដោយអត់មានមូលហេតុ និងតួនាទីផងដែរ ។
ក្រោយពេលកើតហេតុសមត្ថកិច្ចបានទៅមើលកន្លែងកើតហេតុឃើញថា អត់មានរងការខូចខាតអ្វីនោះបានឲ្យខាងរថយន្តរងគ្រោះហៅរថយន្តមួយគ្រឿងទៀតមកសណ្តោងយកទៅជួសជុលដោយខ្លួនឯង ៕ អត្ថបទ: ទេព វណ្ណះ
