ដើម្បីធ្វើឲ្យតាមដងផ្លូវមានការចតយានយន្តឲ្យមានរបៀបរៀបរយត្រឹមត្រូវទើបថ្ងៃទី២៣ ខែសីហា ឆ្នាំ២០១៧ កម្លាំងនគរបាលអធិការដ្ឋានក្រុងកំពតដោយទទួលបញ្ជាពីលោកឧត្តមសេនីយ៍ទោស្នងការខេត្តដឹកនាំកម្លាំងដោយលោកអនុសេនីយឯក ឆែម ហាក់ អធិការរងទទួលផែនសណ្តាប់ធ្នាប់ក្រុងកំពតបានចុះណែនាំដល់ទីតាំងលក់ដូរជាច្រើនកន្លែងនៅចំណុចផ្សារក្រណាត់ចាស់ ដែលនៅទីតាំងនោះសំបូរទៅដោយហាងជនបរទេស បើកហាងលក់គ្រឿងសំលៀកបំពាក់ និងភេសជ្ជគ្រប់មុខហើយការចតយានយន្តគ្រប់ប្រភេទនៅតាមមុខ ហាងពាសពេញផ្លូវសាធារណៈនាពេលកន្លងមកនេះ ។
ក្រោយពីកម្លាំងសមត្ថកិច្ចចុះធ្វើការណែនាំដល់ម្ចាស់ហាងលក់ដូរទាំងនោះគេឃើញភាពអនាធិបតេយ្យនៃការចតយានយន្តគ្រប់ប្រភេទវិលមកមានរបៀបរៀបរយឡើងវិញ ៕ អត្ថបទ: ទេព វណ្ណះ
