បន្ទាយមានជ័យ ៖ ទោះបីជាមានការបង្ក្រាបញឹកញាប់ពីសំណាក់មន្ត្រីជំនាញកាំកុងត្រូលយ៉ាងណាក្តី សាច់មាន់ខូចគុណភាព និងប្រហិត នៅតែអាចនាំចូលបាន។
ជាក់ស្តែងនៅវេលាម៉ោង៤ និង ៣០នាទីល្ងាចថ្ងៃទី២៣ ខែសីហា ឆ្នាំ២០១៧នេះ មន្ត្រីជំនាញកាំកុងត្រូលសាខាខេត្តបន្ទាយមានជ័យ ឈរជើងនៅមាត់ច្រកប៉ោយប៉ែតចាប់បាន រថយន្តម៉ាកកាម៉ារីចង្កូតស្តាំស៊េរីឆ្នាំ៩៣ ពណ៌ខ្មៅ មួយគ្រឿង លួចបង្កប់ដឹកសាច់មាន់ ខូចគុណភាព ប្រមាណជិត២០០គីឡូក្រាម នៅចំណុចដើមចាន់គិរី មុខផ្សាររ៉ា ស្ថិតក្នុងភូមិ ប៉ោយប៉ែតសង្កាត់និងក្រុងប៉ោយប៉ែត។
លោក ហុង លៀង អនុប្រធានទទួលបន្ទុកទីផ្សារ នៃសាខាកាំកុងត្រូល ខេត្តបន្ទាយមានជ័យ បានឲ្យដឹងថា សាច់មាន់ខូចគុណភាពខាងលើមានចំនួន១៧០ គីឡូក្រាមដឹកជញ្ជូនតាមរថយន្តម៉ាកកាមរីចង្កូតស្តាំ ពណ៌ខ្មៅ ស៊េរីឆ្នាំ១៩៩៣ ពាក់ស្លាកលេខ បន្ទាយមានជ័យ2A-2280 ដោយតៃកុងរថយន្តឈ្មោះខ្លិញ ធឿន។
ពាក់ព័ន្ធការបង្ក្រាបខាងលើ លោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យ បាននិយាយថា ក្រោយពិនិត្យរកឃើញថា សាច់មាន់នាំចូលពីប្រទេសថៃដោយគ្មានច្បាប់អនុញ្ញាត ដែលអាចនាំឲ្យប៉ះពាល់ដល់សុខភាពអ្នកបរិភោគធ្ងន់ធ្ងរជំនាញរបស់លោក បានសម្រេចដុតកម្ទេចចោលនៅរសៀលថ្ងៃទី២៤ ខែសីហានេះ។ ចំណែកម្ចាស់រថយន្ត ឬក៏ជាអ្នកដឹកមិនបានអនុវត្តតាមច្បាប់កសាងសំណុំរឿងបញ្ជូនទៅតុលាការទេ គឺគ្រាន់តែឲ្យធ្វើកិច្ចសន្យាបញ្ឈប់ការដឹកជញ្ជូននេះទៀត បើមានករណីនេះលើកក្រោយនឹងអនុវត្តតាមច្បាប់៕ អត្ថបទ: ទេព វណ្ណះ
ជាក់ស្តែងនៅវេលាម៉ោង៤ និង ៣០នាទីល្ងាចថ្ងៃទី២៣ ខែសីហា ឆ្នាំ២០១៧នេះ មន្ត្រីជំនាញកាំកុងត្រូលសាខាខេត្តបន្ទាយមានជ័យ ឈរជើងនៅមាត់ច្រកប៉ោយប៉ែតចាប់បាន រថយន្តម៉ាកកាម៉ារីចង្កូតស្តាំស៊េរីឆ្នាំ៩៣ ពណ៌ខ្មៅ មួយគ្រឿង លួចបង្កប់ដឹកសាច់មាន់ ខូចគុណភាព ប្រមាណជិត២០០គីឡូក្រាម នៅចំណុចដើមចាន់គិរី មុខផ្សាររ៉ា ស្ថិតក្នុងភូមិ ប៉ោយប៉ែតសង្កាត់និងក្រុងប៉ោយប៉ែត។
លោក ហុង លៀង អនុប្រធានទទួលបន្ទុកទីផ្សារ នៃសាខាកាំកុងត្រូល ខេត្តបន្ទាយមានជ័យ បានឲ្យដឹងថា សាច់មាន់ខូចគុណភាពខាងលើមានចំនួន១៧០ គីឡូក្រាមដឹកជញ្ជូនតាមរថយន្តម៉ាកកាមរីចង្កូតស្តាំ ពណ៌ខ្មៅ ស៊េរីឆ្នាំ១៩៩៣ ពាក់ស្លាកលេខ បន្ទាយមានជ័យ2A-2280 ដោយតៃកុងរថយន្តឈ្មោះខ្លិញ ធឿន។
ពាក់ព័ន្ធការបង្ក្រាបខាងលើ លោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យ បាននិយាយថា ក្រោយពិនិត្យរកឃើញថា សាច់មាន់នាំចូលពីប្រទេសថៃដោយគ្មានច្បាប់អនុញ្ញាត ដែលអាចនាំឲ្យប៉ះពាល់ដល់សុខភាពអ្នកបរិភោគធ្ងន់ធ្ងរជំនាញរបស់លោក បានសម្រេចដុតកម្ទេចចោលនៅរសៀលថ្ងៃទី២៤ ខែសីហានេះ។ ចំណែកម្ចាស់រថយន្ត ឬក៏ជាអ្នកដឹកមិនបានអនុវត្តតាមច្បាប់កសាងសំណុំរឿងបញ្ជូនទៅតុលាការទេ គឺគ្រាន់តែឲ្យធ្វើកិច្ចសន្យាបញ្ឈប់ការដឹកជញ្ជូននេះទៀត បើមានករណីនេះលើកក្រោយនឹងអនុវត្តតាមច្បាប់៕ អត្ថបទ: ទេព វណ្ណះ