ភ្នំពេញ ៖ អាជ្ញាធរខណ្ឌជ្រោយចង្វារ បានចុះបិទអាជីវកម្មភោជនីយដ្ឋានមាស៩៩បន្ទាប់ពីមានពាក្យបណ្ដឹងពីអ្នកជិតខាងថា ភោជនីយដ្ឋានមួយនេះបើកបៀរហ្គាឌែនខុសច្បាប់ ដោយមានសំឡេងរំពងទាំងថ្ងៃទាំងយប់ រំខានដល់អ្នកជិតខាង ដោយបានបន្ថែមនូវបៀរហ្គាឌិនខុសពីអាជ្ញាប័ណ្ណរបស់ក្រសួងទេសចរណ៍អនុញ្ញាតជូន បើទោះរដ្ឋបាលខណ្ឌមានសេចក្តីជូនដំណឹងជាច្រើន ឬ មន្ទីរបរិស្ថានរាជធានីភ្នំពេញចុះណែនាំក៏ម្ចាស់ ភោជនីយដ្ឋានមាស៩៩នេះមិនអនុវត្តតាមដែរ។
ការចុះណែនាំ និង បិទបណ្តោះអាសន្ននូវទីតាំងភោជនីយដ្ឋានមាស៩៩ពីសំណាក់អាជ្ញាធរខណ្ឌជ្រោយចង្វារនេះ ធ្វើឡើងកាលពីថ្ងៃទី២២ ខែសីហា ឆ្នាំ២០១៧ ស្ថិតនៅផ្លូវទន្លេមេគង្គ ក្រុមទី៥ភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ ដែលមានការចូលរួមពីសំណាក់ លោក កៅសារ៉ាវុធ នាយករដ្ឋបាលខណ្ឌ និងមន្ត្រីពាក់ព័ន្ធជាច្រើននាក់ ដើម្បីឲ្យម្ចាស់ភោជនីយដ្ឋានមួយនេះទៅសុំច្បាប់ឲ្យបានត្រឹមត្រូវ និង ធ្វើការកែតម្រូវតាមលក្ខណៈអាជីវកម្មស្របតាមអាជ្ញាប័ណ្ណដែលអនុញ្ញាតជូនទើបអនុញ្ញាតមុននឹងបើកសាជាថ្មី។
គេដឹងថា ភោជនីយដ្ឋានដ៏ធំមួយនៅមាត់ទន្លេមេគង្គ ដែលមានយីហោ មាស៩៩ ជារបស់លោកស្រីហែម អ៊ីម ដោយសារតែមានការរីកចម្រើន លើអាជីវកម្ម ទើបម្ចាស់បានពង្រីកទីតាំងនិងបន្ថែមឲ្យមាននូវបៀរហ្គាឌិនទាំងថ្ងៃមួយទៀត។
មន្ត្រីសាលាខណ្ឌជ្រោយចង្វារឲ្យដឹងថា ដោយអនុវត្តតាមគោលការណ៍ និង ការណែនាំរបស់សាលារាជធានីភ្នំពេញ និងយោងទៅពាក្យបន្តឹងរបស់អ្នកជិតខាង រដ្ឋបាលខណ្ឌជ្រោយចង្វារ គឺបានចុះបិទបណ្តោះអាសន្ន នូវភោជនីយដ្ឋានមាស៩៩ ដែលបានបន្ថែមនូវបៀរហ្គាឌិនខុសពីអាជ្ញាប័ណ្ណរបស់ក្រសួងទេសចរណ៍អនុញ្ញាតជូន និងជាពិសេសបើទោះរដ្ឋបាលខណ្ឌមានសេចក្តីជូនដំណឹងជាច្រើន ឬ មន្ទីរបរិស្ថានរាជធានីភ្នំពេញចុះណែនាំហើយក៏ដោយ ក៏ម្ចាស់ ភោជនីយដ្ឋានមាស៩៩នេះមិនអនុវត្តតាមដែរ ហើយតម្រូវឲ្យបិទចាប់ពីថ្ងៃទី២៣ ខែសីហា ឆ្នាំ២០១៧នេះតទៅ។
មន្ត្រីដដែលបន្តថា បន្ទាប់ពីបិទរួច បើម្ចាស់នៅតែមិនស្តាប់ដោយរឹងទទឹងនោះ រដ្ឋបាលខណ្ឌនឹងប្រើធម៌ក្តៅមិនខាន ហើយបន្ទាប់ពីបិទ ម្ចាស់ត្រូវដោះស្រាយជាមួយបណ្ដឹងអ្នកជិតខាង និងទៅសុំច្បាប់ឲ្យបានត្រឹមត្រូវ និង ធ្វើការកែតម្រូវតាមលក្ខណៈអាជីវកម្មស្របតាមអាជ្ញាប័ណ្ណដែលអនុញ្ញាតជូនទើបអនុញ្ញាតឲ្យបើកវិញ៕ អត្ថបទ: ទេព វណ្ណះ
ការចុះណែនាំ និង បិទបណ្តោះអាសន្ននូវទីតាំងភោជនីយដ្ឋានមាស៩៩ពីសំណាក់អាជ្ញាធរខណ្ឌជ្រោយចង្វារនេះ ធ្វើឡើងកាលពីថ្ងៃទី២២ ខែសីហា ឆ្នាំ២០១៧ ស្ថិតនៅផ្លូវទន្លេមេគង្គ ក្រុមទី៥ភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ ដែលមានការចូលរួមពីសំណាក់ លោក កៅសារ៉ាវុធ នាយករដ្ឋបាលខណ្ឌ និងមន្ត្រីពាក់ព័ន្ធជាច្រើននាក់ ដើម្បីឲ្យម្ចាស់ភោជនីយដ្ឋានមួយនេះទៅសុំច្បាប់ឲ្យបានត្រឹមត្រូវ និង ធ្វើការកែតម្រូវតាមលក្ខណៈអាជីវកម្មស្របតាមអាជ្ញាប័ណ្ណដែលអនុញ្ញាតជូនទើបអនុញ្ញាតមុននឹងបើកសាជាថ្មី។
គេដឹងថា ភោជនីយដ្ឋានដ៏ធំមួយនៅមាត់ទន្លេមេគង្គ ដែលមានយីហោ មាស៩៩ ជារបស់លោកស្រីហែម អ៊ីម ដោយសារតែមានការរីកចម្រើន លើអាជីវកម្ម ទើបម្ចាស់បានពង្រីកទីតាំងនិងបន្ថែមឲ្យមាននូវបៀរហ្គាឌិនទាំងថ្ងៃមួយទៀត។
មន្ត្រីសាលាខណ្ឌជ្រោយចង្វារឲ្យដឹងថា ដោយអនុវត្តតាមគោលការណ៍ និង ការណែនាំរបស់សាលារាជធានីភ្នំពេញ និងយោងទៅពាក្យបន្តឹងរបស់អ្នកជិតខាង រដ្ឋបាលខណ្ឌជ្រោយចង្វារ គឺបានចុះបិទបណ្តោះអាសន្ន នូវភោជនីយដ្ឋានមាស៩៩ ដែលបានបន្ថែមនូវបៀរហ្គាឌិនខុសពីអាជ្ញាប័ណ្ណរបស់ក្រសួងទេសចរណ៍អនុញ្ញាតជូន និងជាពិសេសបើទោះរដ្ឋបាលខណ្ឌមានសេចក្តីជូនដំណឹងជាច្រើន ឬ មន្ទីរបរិស្ថានរាជធានីភ្នំពេញចុះណែនាំហើយក៏ដោយ ក៏ម្ចាស់ ភោជនីយដ្ឋានមាស៩៩នេះមិនអនុវត្តតាមដែរ ហើយតម្រូវឲ្យបិទចាប់ពីថ្ងៃទី២៣ ខែសីហា ឆ្នាំ២០១៧នេះតទៅ។
មន្ត្រីដដែលបន្តថា បន្ទាប់ពីបិទរួច បើម្ចាស់នៅតែមិនស្តាប់ដោយរឹងទទឹងនោះ រដ្ឋបាលខណ្ឌនឹងប្រើធម៌ក្តៅមិនខាន ហើយបន្ទាប់ពីបិទ ម្ចាស់ត្រូវដោះស្រាយជាមួយបណ្ដឹងអ្នកជិតខាង និងទៅសុំច្បាប់ឲ្យបានត្រឹមត្រូវ និង ធ្វើការកែតម្រូវតាមលក្ខណៈអាជីវកម្មស្របតាមអាជ្ញាប័ណ្ណដែលអនុញ្ញាតជូនទើបអនុញ្ញាតឲ្យបើកវិញ៕ អត្ថបទ: ទេព វណ្ណះ