រាជធានីភ្នំពេញ ៖ បុរសម្នាក់បើកបររថយន្តកូរ៉េដឹកទឹកកកមួយគ្រឿងបោះពូយយ៉ាងលឿនធ្វើឲ្យដាច់កង់ក្រោយរថយន្តបណ្តាលឱ្យក្រឡាប់ផ្ងារជើងចាក់ទឹកកកចោលពេញផ្លូវ ហេតុការណ៍នេះកើតឡើងកាលពីវេលាម៉ោង១និង៥០នាទីរំលងអធ្រាត្រឈានចូលថ្ងៃទី២៤ ខែសីហា ឆ្នាំ២០១៧ តាមបណ្តោយផ្លូវសហព័ន្ធរុស្ស៉ី ខាងមុខក្រសួងការងារ ស្ថិតក្នុងសង្កាត់ទឹកល្អក់ទី១ ខណ្ឌទួលគោក ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរសម្នាក់បើករថយន្តមួយគ្រឿងម៉ាក KIA ពណ៌ខៀវ ពាក់ស្លាកលេខ ភ្នំពេញ ២B-៨៥៤៥ ជាប្រភេទរថយន្តកូរ៉េដឹកទឹកកក ទើបតែដឹកទឹកកកចេញមកពីម្តុំទួលសង្កែបំណងយកទៅដាក់ឲ្យម៉ូយនៅម្តុំលូប្រាំដោយធ្វើដំណើរតាមបណ្តោយផ្លូវសហព័ន្ធរុស្ស៉ីទិសដៅពីកើតទៅលិចក្នុងល្បឿនបោះពួយយ៉ាងលឿន លុះមកដល់ចំណុចកើតហេតុស្រាប់តែរថយន្តបែកកង់ក្រោយចំហៀងខាងឆ្វេងបណ្តាលឱ្យក្រឡាប់ផ្ងារជើងចាក់ទឹកកក់ចោលពេញផ្លូវតែម្នាក់ឯង ភ្លាមនោះអ្នកបើករថយន្តបានលោតចេញពីរថយន្តរត់គេចខ្លួនបាត់ស្រមោល ។
ក្រោយពេលកើតហេតុសមត្ថកិច្ចមូលដ្ឋានបានចុះមកត្រួតពិនិត្យកន្លែងកើតហេតុហើយដោយរថយន្តខាងលើមិនបង្កឱ្យរងការខូចខាតដល់សម្បត្តិសាធារណៈ និងអ្នកដទៃទើបសមត្ថកិច្ចព្រមឱ្យម្ចាស់រថយន្តធ្វើការស្ទូចយករថយន្តទៅជួសជុលដោយខ្លួនឯង ៕ អត្ថបទ: ទេព វណ្ណះ
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរសម្នាក់បើករថយន្តមួយគ្រឿងម៉ាក KIA ពណ៌ខៀវ ពាក់ស្លាកលេខ ភ្នំពេញ ២B-៨៥៤៥ ជាប្រភេទរថយន្តកូរ៉េដឹកទឹកកក ទើបតែដឹកទឹកកកចេញមកពីម្តុំទួលសង្កែបំណងយកទៅដាក់ឲ្យម៉ូយនៅម្តុំលូប្រាំដោយធ្វើដំណើរតាមបណ្តោយផ្លូវសហព័ន្ធរុស្ស៉ីទិសដៅពីកើតទៅលិចក្នុងល្បឿនបោះពួយយ៉ាងលឿន លុះមកដល់ចំណុចកើតហេតុស្រាប់តែរថយន្តបែកកង់ក្រោយចំហៀងខាងឆ្វេងបណ្តាលឱ្យក្រឡាប់ផ្ងារជើងចាក់ទឹកកក់ចោលពេញផ្លូវតែម្នាក់ឯង ភ្លាមនោះអ្នកបើករថយន្តបានលោតចេញពីរថយន្តរត់គេចខ្លួនបាត់ស្រមោល ។
ក្រោយពេលកើតហេតុសមត្ថកិច្ចមូលដ្ឋានបានចុះមកត្រួតពិនិត្យកន្លែងកើតហេតុហើយដោយរថយន្តខាងលើមិនបង្កឱ្យរងការខូចខាតដល់សម្បត្តិសាធារណៈ និងអ្នកដទៃទើបសមត្ថកិច្ចព្រមឱ្យម្ចាស់រថយន្តធ្វើការស្ទូចយករថយន្តទៅជួសជុលដោយខ្លួនឯង ៕ អត្ថបទ: ទេព វណ្ណះ