ក្មេងប្រុសរូបនោះ ឈ្មោះសូយ សុខា មានទីលំនៅតាមផ្លូវរថភ្លើង សង្កាត់បឹងកក់ទី២ ខណ្ឌទួលគោក។ តាមមន្ត្រីកងរាជអាវុធហត្ថ បានឲ្យដឹងថា នៅពេលដែលកម្លាំងសមត្ថកិច្ចជិះល្បាតក្នុងមូលដ្ឋាន ក៏បានប្រទះឃើញក្មេងប្រុសរូបនោះកំពុងតែឈរលក់គ្រឿងញៀន ហើយឃាត់ខ្លួនជាក់ស្តែងតែម្តង។ តាមក្មេងប្រុសរូបនោះ បានឲ្យដឹងថា ខ្លួនត្រូវបានជនមិនស្គាល់មុខជួលឲ្យលក់គ្រឿងញៀន ដោយក្នុង១ថ្ងៃឲ្យប្រាក់ចំនួន១០ម៉ឺនរៀល ខ្លួនបានរកស៊ីដើរលក់គ្រឿងញៀនជាច្រើនខែមកហើយ។
តាមក្មេងរូបនោះអោយដឹងថា កន្លងមកខ្លួន ត្រូវបានកម្លាំងកងរាជអាវុធហត្ថខណ្ឌទួលគោក ឃាត់ខ្លួនម្តងមកហើយ នៅពេលថ្មីៗនេះ ហើយត្រូវបានកម្លាំងកងរាជអាវុហត្ថ បញ្ជូនទៅមន្ទីរសង្គមកិច្ច ហើយត្រូវបានគេចេញមុខដោះស្រាយអស់៣០០ដុល្លារ ឲ្យចេញមកវិញជួលឲ្យលក់គ្រឿងញៀនបន្តទៀត៕ អត្ថបទ: ទេព វណ្ណះ
