ក្នុងចំណោមពលរដ្ឋខ្មែរ១១នាក់ ដែលត្រូវឃាត់ខ្លួន ៩នាក់ រស់នៅក្នុងភូមិដងទង់ សង្កាត់កូនគ្រៀល ក្រុងសំរោង ឯពីរនាក់ផ្សេងទៀតរស់នៅក្នុងភូមិជ្រឹងខាងលិច និងភូមិសណ្តែក សង្កាត់សំរោង។
ក្រោយពីកម្លាំងសមត្ថកិច្ចធ្វើការសួរនាំ ពលរដ្ឋខ្មែរទាំង១១នាក់ បានបញ្ជាក់ថា សកម្មភាពលើភ្នំក្នុងទឹកដីថៃ ចូលទៅកាប់ឈើក្រញ៉ូងនេះ គឺពុំមានមេខ្លោង ឬអ្នកជួលនោះទេ ពោលគឺនាំគ្នាចូលទៅរកដោយខ្លួនឯង បន្ទាប់មកយកទៅលក់ឲ្យឈ្មោះ ម៉ៅ នៅភូមិដងទង់ ដែលជាអ្នកចាំប្រមូលទិញផ្តាច់មុខ។
កម្លាំងសមត្ថកិច្ចបានដកហូត ពូថៅចំនួន១១ ដែករណាចំនួន៣ ឈើគ្រញូង ចំនួន១១សំពាយ ទម្ងន់ប្រមាណ៤០០គីឡូក្រាម ឯពលរដ្ឋខ្មែរដែលត្រូវឃាត់ខ្លួននោះ ពួកគាត់មានប្រើប្រាស់សារធាតុញៀន៕ អត្ថបទ: ទេព វណ្ណះ
