ខេត្តកំពត ៖ អេស្កាមួយគ្រឿងបានបោលតាំងពីព្រឹកព្រលឹមថ្ងៃទី២៤ សីហា ចេញពីរណ្ដៅកាយដីគ្រួសមួយកន្លែងនៅជើងភ្នំសាឡី ឃុំកំពង់ត្រាចខាងលិច ស្រុកកំពង់ត្រាច។ ខណៈដែលគ្រឿងចក្រមួយគ្រឿងនេះកំពង់កាយដីគ្រួស២កន្លែងនៅជិតគ្នាហើយស្របពេលមន្ត្រីខាងមន្ទីររ៉ែ និងថាមពលខេត្តកំពត ចុះមកពិនិត្យអេស្កាមួយគ្រឿងដែលគេអះអាងថាកាយស្រះឲ្យវត្ត និងដឹកដីចាក់នៅបន្ទាយទាហានថ្មី។ តែមន្ត្រីរ៉ែមិនទាន់ទៅពិនិត្យកន្លែងរណ្ដៅដីមួយទៀតផង ស្រាប់តែអ្នកបើកអេស្កាបានបោលសន្ធឹកគក្រើកភ្នំទៅលាក់ទុកក្នុងព្រៃមួយទៀត។
លោក អ៊ុក វិបុល មន្ត្រីរ៉ែ និងថាមពលខេត្តកំពតបានតាមទៅពិនិត្យរណ្ដៅដីគ្រួស និងមន្ត្ររ៉ែ២នាក់ទៀតបានតាមទៅមើលអេស្កាគេបើកយកទៅលាក់។ លោក អ៊ុក វិបុល បានព្រមានដល់ម្ចាស់អ្នកបើកបរឲ្យបញ្ឈប់កាយបន្ត។ តែលោក ពេជ្រ សុខាប្រធានការិយាល័យរ៉ែស្រុកកំពង់ត្រាចអះអាងថាដីទាំង២កន្លែងនៅជើងភ្នំសាឡីនោះ សុទ្ធតែមានប្លង់ និងមានច្បាប់ពីមូលដ្ឋានរួចហើយ។ គេធ្លាប់បានដឹងថាខេត្តកំពត និងខេត្តកែបមានអ្នកធ្វើអាជីវកម្មកាយដីថ្ម និងដីភ្នំដឹកលក់ជាង៣០ភ្នំហើយអ្នកកាយភ្នំលក់ច្រើនតែអះអាងថាមានច្បាប់អស់ហើយ៕ អត្ថបទ: ទេព វណ្ណះ, សម្រួលអត្ថបទ: លុយ សព្វសិទ្ធិ
លោក អ៊ុក វិបុល មន្ត្រីរ៉ែ និងថាមពលខេត្តកំពតបានតាមទៅពិនិត្យរណ្ដៅដីគ្រួស និងមន្ត្ររ៉ែ២នាក់ទៀតបានតាមទៅមើលអេស្កាគេបើកយកទៅលាក់។ លោក អ៊ុក វិបុល បានព្រមានដល់ម្ចាស់អ្នកបើកបរឲ្យបញ្ឈប់កាយបន្ត។ តែលោក ពេជ្រ សុខាប្រធានការិយាល័យរ៉ែស្រុកកំពង់ត្រាចអះអាងថាដីទាំង២កន្លែងនៅជើងភ្នំសាឡីនោះ សុទ្ធតែមានប្លង់ និងមានច្បាប់ពីមូលដ្ឋានរួចហើយ។ គេធ្លាប់បានដឹងថាខេត្តកំពត និងខេត្តកែបមានអ្នកធ្វើអាជីវកម្មកាយដីថ្ម និងដីភ្នំដឹកលក់ជាង៣០ភ្នំហើយអ្នកកាយភ្នំលក់ច្រើនតែអះអាងថាមានច្បាប់អស់ហើយ៕ អត្ថបទ: ទេព វណ្ណះ, សម្រួលអត្ថបទ: លុយ សព្វសិទ្ធិ