Trump និង​ Kim Jung Un សរសើរ​គ្នា​ទៅ​វិញ​ទៅ​មក​ក្នុង​ជំនួប​លើក​ទី ២

​(វៀតណាម,ហាណូយ)៖  លោក​ប្រធានាធិបតី​សហរដ្ឋអាមេរិក Donald Trump និង​មេដឹកនាំ​កូរ៉េ​ខាង​ជើង​ Kim Jung Un បាន​ជួប​គ្នា​ក្នុង​ជំនួប​លើក​ទី ២ ក្នុង​ថ្ងៃ​ពុធ​នេះ នៅ​ទីក្រុង​ហាណូយ​ ប្រទេស​វៀតណាម។ នៅ​មុន​កិច្ច​សន្ទនា​នេះ​ដែរ​ លោក​ទាំង​ពីរ​បាន​ចាប់​ដៃ​គ្នា​យ៉ាង​ជិត​ស្និទ្ធ​ លុះ​ដល់​ពេល​សន្ទនា​ជាមួយ​គ្នា​ ពួក​គាត់​ក៏​បាន​ពោល​ពាក្យ​សរសើរ​ឲ្យ​គ្នា​ទៅ​វិញ​ទៅ​មក​ផង​ដែរ​។

លោក​ Trump បាន​និយាយ​ថា​ ''កូរ៉េ​ខាង​ជើង​មាន​សក្ដានុពល​សេដ្ឋកិច្ច​ដ៏​ធំ​សម្បើម ហើយ​ក៏​បាន​ថា​ លោក Kim ជា​មេដឹកនាំ​ដ៏​អស្ចារ្យ​ទៀត​ផង''
ចំណែក​ឯ​ Kim Jung Un វិញ​បាន​និយាយ​ថា​ ''ជំនួប​លើក​ទី២​នេះ​អាច​ប្រព្រឹត្តិ​ទៅ​បាន​ ដោយ​សារ​តែ​ការ​សម្រេច​ចិត្ត​ក្នុង​នយោបាយ​ដ៏​ក្លាហាន​របស់​លោក Trump''។ លោក​ថា​ ''ពិភព​ខាង​ក្រៅ​កំពុង​តែ​យល់​ច្រឡំ​នូវ​ទំនាក់ទំនង​របស់​អាមេរិក​ និង​កូរ៉េ​ខាង​ជើង​ បន្ទាប់​ពី​ជំនួប​នៅ​សិង្ហបុរី។ លោក​សង្ឃឹម​ថា​ ជំនួប​លើក​នេះ​នឹង​ផ្ដល់​លទ្ធផល​ជា​ទី​គាប់​ចិត្ត​សម្រាប់​គ្រប់​គ្នា''
បន្ទាប់​ពី​សន្ទនា​នេះ លោក​ទាំង​ពីរ​បាន​ពិសា​នូវ​អាហារ​ពេល​ល្ងាច​រួម​គ្នា​ អម​ជាមួយ​នឹង​កាមេរ៉ា​របស់​អ្នក​សារព័ត៌មាន។ បើ​តាម CNN ក្នុង​ជំនួប​ទីក្រុង​ហាណូយ​នេះ លោក​ Trump ចង់​បញ្ចុះបញ្ចូល​ Kim ឲ្យ​បោះបង់​កម្មវិធី​នុយក្លេអ៊ែរ ខណៈ​ការ​ព្រមព្រៀង​លើក​មុន​ មិន​ទាន់​មាន​លេច​ចេញ​ជា​ផ្លែផ្កា​ពិត​ប្រាកដ​នៅ​ឡើយ៕

ប្រភព៖ CNN
Trump និង​ Kim Jung Un សរសើរ​គ្នា​ទៅ​វិញ​ទៅ​មក​ក្នុង​ជំនួប​លើក​ទី ២ Trump និង​ Kim Jung Un សរសើរ​គ្នា​ទៅ​វិញ​ទៅ​មក​ក្នុង​ជំនួប​លើក​ទី ២ Reviewed by Laiheang VOBFM on 2/27/2019 Rating: 5
Powered by Blogger.