ប្រទេសចិន ត្រូវបានការអនុញ្ញាតពី Apple ឱ្យ​បង់​រំលស់​ iPhone ​ដោយមិន​គិត​ការ​ប្រាក់!

កាល​ពី​ដើម​ឆ្នាំ​កន្លង​ទៅ Apple ​ត្រូវ​បង្ខំ​ចិត្ត​ទម្លាក់​តម្លៃ iPhone ជា​ច្រើន​ម៉ូដែល​ដែល​លក់​នៅ​ក្នុង​ប្រទេស​ចិន ដើម្បី​ជួយ​បង្កើន​ចំនួន​លក់​ក្នុង​ទីផ្សារ​ដ៏​ធំ​មួយ​នេះ។ ពេល​នេះ​ដែរ Apple បាន​បញ្ចេញ​យុទ្ធសាស្ត្រ​ថ្មី​បន្ថែម​ទៀត ដើម្បី​ទាក់ទាញ​អតិថិជន​ក្នុង​ប្រទេស​ចិន។
តាម​ការ​ចុះ​​ផ្សាយ​របស់​សារព័ត៌មាន​ Reuters បាន​ឲ្យ​ដឹង​ថា​ Apple បាន​ចាប់​ដៃ​គ្នា​ជា​មួយ​ក្រុមហ៊ុន​ចិន​ Ant Financial Services Group ដើម្បី​ផ្ដល់​នូវ​​ការ​បង់​រំលស់​ដោយ​មិន​គិត​ការ​ប្រាក់​សម្រាប់​ iPhone។

គួរ​បញ្ជាក់​ថា​ Apple បាន​ធ្វើ​បែប​នេះ​យូរ​មក​ហើយ​នៅ​ទឹក​ដី​សហរដ្ឋអាមេរិក​ ដែល​ឲ្យ​អតិថិជន​បង់​រំលស់ iPhone មិន​គិត​ការ​ប្រាក់ ក្នុង​រង្វង់​ ២៤ ខែ។ ប៉ុន្តែ​​សម្រាប់​ប្រទេស​ចិន នេះ​ជា​លើក​ដំបូង​​បំផុត​ដែល Apple មាន​ការ​ផ្ដល់​ជូន​បែប​នេះ។
នៅ​លើ​វិបសាយ​ Apple ក្នុង​ប្រទេស​ចិន ពេល​នេះ​អតិថិជន​អាច​ទិញ iPhone XR ​ដោយ​បង់​ ២៧១ យ័ន (ប្រមាណ​ ៤០ ដុល្លារ) ​ក្នុង​មួយ​ខែ និង iPhone XS បង់​ ៣៦២ យ័ន (ប្រមាណ​ ៥៤ ដុល្លារ) ក្នុង​មួយ​ខែ។ តម្លៃ​​របស់ iPhone XR ក្នុង​ប្រទេស​ចិន​គឺ​ចាប់​ពី ៦៤៩៩ យ័ន និង XS ចាប់​ពី ៨៦៩៩ យ័ន៕​​​

ប្រភព៖ PhoneArena
ប្រទេសចិន ត្រូវបានការអនុញ្ញាតពី Apple ឱ្យ​បង់​រំលស់​ iPhone ​ដោយមិន​គិត​ការ​ប្រាក់! ប្រទេសចិន ត្រូវបានការអនុញ្ញាតពី Apple ឱ្យ​បង់​រំលស់​ iPhone ​ដោយមិន​គិត​ការ​ប្រាក់! Reviewed by Laiheang Vobfm on 2/23/2019 Rating: 5
Powered by Blogger.