ប្រភព៖ Businessinsider
ក្រុមហ៊ុន Apple បាត់បង់តម្លៃ ៤៤៦ ពាន់លានដុល្លារ ក្នុងពេលត្រឹម ៣ ខែ
05/01/2019
កាលពីថ្ងៃទី ៣ ខែតុលា ឆ្នាំ ២០១៨ តម្លៃហ៊ុនរបស់ Apple បានឡើងខ្ពស់បំផុតដល់ ២៣២,០៧ ដុល្លារ ធ្វើឱ្យតម្លៃលើទីផ្សាររបស់ក្រុមហ៊ុននេះមានដល់ទៅ ១,១២ ទ្រីលានដុល្លារឯណោះ។
យ៉ាងណាក្ដីក្នុងរយៈពេលប៉ុន្មានខែចុងក្រោយនេះតម្លៃហ៊ុនរបស់ Apple បានបន្តធ្លាក់ចុះឥតឈប់ឈរ ហើយការប្រកាសពីការកាត់បន្ថយការព្យាករណ៍ចំនួនលក់កាលពីថ្ងៃពុធ ធ្វើឲ្យតម្លៃហ៊ុនធ្លាក់ចុះរឹតតែខ្លាំង។
គិតត្រឹមថ្ងៃព្រហស្បតិ៍តម្លៃហ៊ុនរបស់ Apple ស្ថិតនៅតម្លៃ ១៤២,១៩ ដុល្លារ ដោយមានតម្លៃទីផ្សារសរុប ៦៧៤,៧៥ ពាន់លានដុល្លារ។ ដូចនេះមានន័យថារយៈពេល ៣ ខែមកនេះតម្លៃរបស់ក្រុមហ៊ុន Apple បានធ្លាក់ចុះប្រមាណ ៤៤៦ ពាន់លានដុល្លារឯណោះ។ តម្លៃដែលធ្លាក់ចុះនេះគឺច្រើនជាងតម្លៃទីផ្សាររបស់ Facebook ដែលមានត្រឹម ៣៨០ ពាន់លានដុល្លារប៉ុណ្ណោះ៕
ប្រភព៖ Businessinsider
ប្រភព៖ Businessinsider
