ប្រទះឃើញបបែលក្រៀមមានលាយសារធាតុគីមីចំនួន ២០គីឡូក្រាម នៅផ្សារលើក្រុងព្រះសីហនុ

ព្រះសីហនុ៖ នៅថ្ងៃទី០៦ ខែធ្នូ ឆ្នាំ២០១៨នេះ មន្ត្រីកាំកុងត្រូលខេត្តព្រះសីហនុ ដែលប្រចាំការនៅផ្សារលើក្រុងព្រះសីហនុ រកឃើញបបែលក្រៀមដែលមានដាក់លាយសារធាតុគីមីហាមឃាត់ជិត20Kg ដែលអាជីវករដាក់លក់នៅក្នុងផ្សារលើចំនួន04តូប ។

ក្រោយធ្វើតេស្តកំណត់ថាបបែលក្រៀមជិត20Kgនេះមានលាយសារធាតុគីមីហាមឃាត់ មន្ត្រីកាំកុងត្រូលបានធ្វើការដកហូតយកទៅកំទេចចោល និងបានតម្រូវអោយបងប្អូនអាជីវករពាក់ពន្ធ័ធ្វើកិច្ចសន្យា អោយប្រុងប្រយត្ន័និងបញ្ឈប់ការលក់ដូរម្ហូបអាហារសមុទ្រដាក់លាយសារធាតុគីមីបន្តទៀត។

ទោះជាយ៉ាងនេះក្តី បបែលក្រៀមដែលរកឃើញថាមានសារធាតុគីមីហាមឃាត់នេះ បងប្អូនអាជីវករអះអាងថា បានទិញបន្តយកមកលក់ ដោយពុំបានដឹងថាមានលាយសារធាតុគីមីឡើយ៕(អត្ថបទដោយ ទេព វណ្ណះ)