បន្ទាប់ពីមានកិច្ចប្រជុំបិទទ្វារមួយជាមួយសមាជិកក្រុមប្រឹក្សា ប្រធានគណៈកមា្មធិការនោះបានថ្លែងថា ពិតជាមានសារៈសំខាន់ណាស់ក្នុងការជំរុញឲ្យរដ្ឋាភិបាលស៊ីរីធ្វើការពន្យល់ឲ្យបានពេញលេញមួយ ក្រោយពីខ្លួនបានចាប់ផ្តើមនៅក្នុងខែឧសភា ដើម្បីចេញសេចក្តីបញ្ជាក់ពីចំនួនអ្នកស្លាប់នោះ។
អ្នកកាន់ទុក្ខចូលរួមពិធីបុណ្យរបស់អ្នកស្លាប់នៅក្នុងសង្រ្គាមសុីរី
លោក PauloPinheiro ដែលដឹកនាំគណៈកម្មការ ដែលត្រូវបង្កើតឡើងដើម្បី ស៊ើបអង្កេតលើករណីរំលោភសិទ្ធិមនុស្ស ក្នុងសង្គ្រាមនោះបានថ្លែងថា៖ «បញ្ហាជាច្រើនរបស់អ្នកដែលត្រូវគេឃុំខ្លួន និងអ្នកបាត់ខ្លួនជាច្រើននាក់ មិនទាន់ត្រូវបានគេដោះស្រាយ នោះទេក្រោយពីមានសន្តិសុខ ប៉ុន្តែឥឡូវនេះដល់ពេលត្រូវពិចារណាលើបញ្ហានេះហើយ»។កាលពីខែឧសភា តម្រួតយោធា និងកងទ័ពបានផ្តល់ព័ត៌មានជាលើកដំបូងជូនទៅកាន់ការិយាល័យអត្រានុកូលដ្ឋានរដ្ឋាភិបាលស៊ីវិលអំពីអ្នកស្លាប់ ដោយបានអនុញ្ញាតឱ្យក្រុមគ្រួសារទាំងនោះទទួលបានដំណឹងអំពីជោគវាសនារបស់មនុស្សជាទីស្រឡាញ់របស់ពួកគេ។ គណៈកម្មការនោះបាននិយាយថា៖ «រដ្ឋាភិបាលនេះ កំពុងបង្ហាញព័ត៌មាន ប៉ុន្តែមិនពេញលេញទេ»៕