កម្ពុជា​ត្រៀម​បណ្តេញ​ជន​ជាតិ​ចិន​ជាង​២០០​នាក់​ពី​កម្ពុជា ក្រោយ​ប្រព្រឹត្ត​បទ​ល្មើស​ជម្រិត​ទារ​ប្រាក់​តាម​ប្រព័ន្ធ​អ៊ីនធឺណែត​ - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

កម្ពុជា​ត្រៀម​បណ្តេញ​ជន​ជាតិ​ចិន​ជាង​២០០​នាក់​ពី​កម្ពុជា ក្រោយ​ប្រព្រឹត្ត​បទ​ល្មើស​ជម្រិត​ទារ​ប្រាក់​តាម​ប្រព័ន្ធ​អ៊ីនធឺណែត​

30/11/2018
ខេត្ត​តាកែវ៖ ជនជាតិ​ចិន ២៣៥​នាក់ ក្នុង​នោះ​រួម​មាន​ស្ត្រី​ចំនួន​៣៦​នាក់ នឹង​ត្រូវ​បណ្តេញ​ចេញ​ពី​ប្រទេស​កម្ពុជា​យ៉ាង​យូ​នៅ​ត្រឹម​ថ្ងៃទី ១០ ខែធ្នូ ខាង​មុខ​នេះ ខណៈ​ដែល​អាជ្ញាធរ​កម្ពុជា​កំពុង​រត់​ឯកសារ​ប្រកាស​បណ្តេញ​ចេញ​។ នេះ​បើ​តាម​ការ​បញ្ជាក់​ពី​លោក​ឧត្តមសេនីយ៍​ឯក អ៊ុក ហៃសីឡា ប្រធាន​នាយកដ្ឋាន​ស៊ើប​អង្កេត​និង​អនុវត្ត​នីតិ​វិធី​នៃ​អគ្គ​នាយកដ្ឋាន​អន្តោ​ប្រវេសន៍​នៃ​ក្រសួង​មហាផ្ទៃ នៅ​ព្រឹក​ថ្ងៃ​ទី ៣០ វិច្ឆិកា​នេះ​។

គួរ​ជំរាប​ជូន​ថា ជន​ជាតិ​ចិន​ទាំង ២៣៥​នាក់ ក្នុង​នោះ​រួម​មាន​ស្ត្រី​ចំនួន​៣៦​នាក់ ត្រូវ​បាន​អាជ្ញាធរ​កម្ពុជា បង្ក្រាប​នៅ​ទីតាំង​៤​កន្លែង​ផ្សេងៗ​គ្នា កាល​ពី​ថ្ងៃ​ទី ២៦ វិច្ឆិកា នៅ​ក្នុង​ស្រុក​ត្រាំ​កក់ និង​ស្រុក​បាទី ខេត្ត​តាកែវ​។ ជន​បរទេស​ជាតិ​ចិន​ទាំង​២៣៥​នាក់ ត្រូវ​បាន​ចាប់​ខ្លួន​ពាក់​ព័ន្ធ​ក្នុង​ករណី​ជំរិត​ទារ​ប្រាក់​ពី​ជន​ជាតិ​ចិន​ដូច​គ្នា​នៅ​ក្នុង​ប្រទេស​ចិន តាម​រយៈ​ប្រព័ន្ធ​អ៊ីនធឺណែត និង​ទូរសព្ទ VOIP ដោយ​ប្រើប្រាស់​ទឹក​ដី​កម្ពុជា​។ បច្ចុប្បន្ន​ជន​ជាតិ​ចិន​ទាំង​២៣៥​នាក់​នោះ កំពុង​ស្ថិត​នៅ​ក្រោម​ការ​ឃុំ​ខ្លួន​របស់​អគ្គ​នាយកដ្ឋាន​អន្តោ​ប្រវេសន៍​នៃ​ក្រសួង​មហាផ្ទៃ​។ ពួក​គេ​នឹង​ត្រូវ​មក​ទទួល​យក​ដោយ​ប៉ូលិស​ចិន តាម​រយៈ​យន្ត​ហោះ​ពិសេស យ៉ាង​យូ​នៅ​ត្រឹម​ថ្ងៃ​ទី ១០ ធ្នូ ខាង​មុខ​។

កាល​ពី​ចុង​ខែ​កញ្ញា​កន្លង​ទៅ​នេះ ជន​ជាតិ​ចិន​ចំនួន ១០២ ​នាក់​ត្រូវ​បាន​សមត្ថកិច្ច​ក្រសួង​មហាផ្ទៃ​ចាប់ខ្លួន​នៅក្នុង​ទីតាំង​ ២ ​ផ្សេង​គ្នាដែរ ​ដែល​ ១ ​កន្លែង​នៅលើ​ភ្នំ​បូកគោ​ខេត្ត​កំពត និង​ ១ ​កន្លែង​នៅ​ភ្នំពេញ​ដែល​ជា​ការចាប់ខ្លួន​តាម​ការស្នើសុំ​ពី​សមត្ថកិច្ច​ចិន​។ រឿងនេះ កន្លងមក​ឯកអគ្គរដ្ឋទូត​ចិន​ប្រចាំ​កម្ពុជា ​ដែល​ចប់​អាណត្តិ​លោក Xiong Bo បាន​គាំទ្រ​វិធានការ​ច្បាប់​របស់​សមត្ថកិច្ច​កម្ពុជា​ចំពោះ​ជនជាតិ​ចិន ​ដែល​បាន​ប្រព្រឹត្ត​បទល្មើស​នៅ​កម្ពុជា​។

ជាមួយ​គ្នា​នោះ សម្តេច ស ខេង រដ្ឋ​មន្ត្រី​ក្រសួង​មហាផ្ទៃ​កម្ពុជា ក៏​បាន​គាំទ្រ​ការ​លើក​ឡើង​របស់​លោក Xiong Bo ហើយ​ក្រសួង​មហាផ្ទៃ​ក៏​មាន​កិច្ច​សហ​ប្រតិបត្ដិការ​ជាមួយ​ក្រសួង​សន្ដិសុខ​សាធារណៈ​របស់​ចិន​លើ​ការងារ​សន្ដិសុខ​ទាក់ទង​នឹង​ការប្រយុទ្ធ​ប្រឆាំង​ឧក្រិដ្ឋកម្ម​ឆ្លងដែន ការបណ្ដុះបណ្ដាល​ធនធាន​មនុស្ស ហើយ​ក្រសួង​មហាផ្ទៃ​ក៏​បាន​ទទួល​សម្ភារ​ជាច្រើន​ពី​ក្រសួង​សន្ដិសុខ​ចិន​ផង​ដែរ​។

សូម​បញ្ជាក់​ថា គិត​ចាប់​តាំង​ពី​ឆ្នាំ​២០១៤​មក កម្ពុជា​បាន​សម្រេច​បណ្តេញ​ជន​ជាតិ​ចិន​ប្រមាណ​ជាង​២ពាន់​នាក់​ហើយ បន្ទាប់​ពី​ពួក​គេ​បាន​ប្រើ​ប្រាស់​ទឹក​ដី​កម្ពុជា ដើម្បី​ប្រព្រឹត្ត​បទ​ល្មើស​ចាប់​ជំរិត​តាម​ប្រពន្ធ័​អ៊ិនធឺណិត ចំនួន​ជាង​១០​លើក​រួច​មក​៕ (អត្ថបទដោយ ទេព វណ្ណះ)