(ឌូបៃ)៖ កាលពីថ្ងៃពុធភ្នាក់ងារសារព័ត៌មានរដ្ឋយេម៉ែន បានរាយការណ៍ថា រដ្ឋាភិបាលយេម៉ែន ដែលទទួលស្គាល់ដោយអន្តរជាតិនោះ បានអំពាវនាវឱ្យបិទប៉ុស្តិ៍ទូរទស្សន៍របស់ក្រុមឧទ្ទាមបានផ្សាយចេញពីប្រទេសហែកហួរដោយសារសង្គ្រាមមួយនេះ។ ភ្នាក់ងារសារព័ត៌មាន Saba បានរាយការណ៍ថា លោករដ្ឋមន្ត្រីក្រសួងព័ត៌មាន al-Eryani បានថ្លែងថា ទូរទស្សន៍ Al-Masirah គ្រប់គ្រងដោយក្រុមឧទ្ទាមហ៊ូធីនោះ
«កំពុងតែបំពុលព័ត៌មាននិកាយនិយម និងកំពុងញុះញង់ឲ្យមានអំពើហឹង្សា និងការស្អប់ខ្ពើម»។
យុទ្ធជនយេម៉ែន ដែលស្មោះត្រង់នឹងចលនាហ៊ូធីស៊ីអ៊ីត ការពារការជួបជុំប្រារព្ធខួបកំណើតព្យាការីអ៊ិស្លាម Mohammad នៅក្នុងក្រុងសាណា។AFP
លោកបានបន្ថែមទៀតថា ក្រុមបុគ្គលិកផ្កាយរណបអារ៉ាប់ Nilesat ដែលមានមូលដ្ឋាននៅក្រុងគែរ បានបញ្ឈប់ការផ្សព្វផ្សាយលក់ទៅឱ្យក្រុមឧទ្ទាមហើយ។
ក្រុមឧទ្ទាមហ៊ូធី បានថ្កោលទោសការអំពាវនាវនោះ ដោយថ្លែងនៅក្នុងគេហទំព័រធ្វីតធើរដែលផ្សាយបន្តផ្ទាល់នៅក្នុងទូរទស្សន៍ Al-Masirah របស់ពួកគេនោះ៕
