មន្រ្ដីនគរបាលស្រុកឧដុង្គ បានឲ្យដឹងថា ជនសង័្សយជាប់ពាក់ព័ន្ធនឹងករណីចាប់រំលោភសេពសន្ថវៈលើអនីតិជន និងសេពថ្នាំញៀន ហើយត្រូវសមត្ថកិច្ចឃាត់ខ្លួននោះ ឈ្មោះ និល ពាវ អាយុ៣៥ឆ្នាំ រស់នៅភូមិ-ឃុំកើតហេតុខាងលើ។ រីឯកុមារីរងគ្រោះឈ្មោះ ស ល អាយុ១១ឆ្នាំ។មន្រ្ដីនគរបាលដដែល បានបន្ដថា បន្ទាប់ពីិនាំខ្លួនមកដល់អធិការដ្ឋាននគរបាលស្រុក ជនសង័្សយបានឆ្លើយសារភាពថា មុនពេលឃាត់ខ្លួន រូបគេ និងបក្ខពួក២នាក់ទៀត រួមមាន ទី១-ឈ្មោះ សុីម ភេទប្រុស អាយុ៣២ឆ្នាំ និងទី២-ឈ្មោះ ប៉ាហុី ភេទប្រុស អាយុ៣០ឆ្នាំ រស់នៅក្នុងភូមិជាមួយគ្នា បានទិញថ្នាំញៀនយកមកជក់ នៅក្នុងផ្ទះរបស់ខ្លួន។
ជនសង័្សយបានសារភាពប្រាប់សមត្ថកិច្ចបន្ដទៀតថា ក្រោយពេលជក់រួច មិត្តភក្ដិទាំងនោះបានវិលត្រឡប់ទៅផ្ទះរបស់ពួកគេវិញអស់ រីឯរូបគេក៏ចាប់ផ្ដើមមានអារម្មណ៍ចង់់រួមភេទ តែប្រពន្ធមិននៅផ្ទះទៀត ទើបគេចាប់កូនស្រីរបស់ប្ដីដើមរំលោភ រហូតបានសម្រេចជាបន្ដបន្ទាប់ចំនួន៣ដង។ លុះពេលឃើញនាងមិនហ៊ានប្រាប់អ្នកដទៃ ទើបរូបគេចាប់នាងរំលោភជាលើកទី៤ តែត្រូវបែកការដឹងដល់អ្នកជិតខាង ចាប់រូបគេប្រគល់ឲ្យសមត្ថកិច្ចតែម្ដង។
ក្រោយពេលទទួលបានចម្លើយសារភាពរបស់ជនសង័្សយ និងយោងតាមពាក្យបណ្ដឹងរបស់ជនរងគ្រោះ ទើបសមត្ថកិច្ចជំនាញ នៃអធិការដ្ឋាននគរបាលស្រុកឧដុង្គ កសាងសំណុំរឿង បញ្ជូនជនសង័្សយទៅកាន់ការិយាល័យនគរបាលប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តកំពង់ស្ពឺ ចាត់ការបន្ដ។
