ខេត្តព្រះសីហនុ៖ ការ៉ាស់សាំង ឬកន្លែងលក់សាំង មិនគួរលក់នៅជិតភូមិ ឬទីប្រជុំជនពេកទេ គ្រោះអគ្គីភ័យក្នុងខេត្តព្រះសីហនុ នាពេលថ្មីៗនេះនៅក្នុងខេត្តព្រះសីហនុ កាលពីថ្ងៃទី ៤ វិច្ឆិកា កន្លងទៅ មានករណីគ្រោះអគ្គិភ័យមួយដែលបង្កឡើងដោយការធ្វេសប្រហែសតិចតួច តែបង្កហានិភ័យខ្ពស់ ដែលបណ្តាលឲ្យឆេះរថយន្តចំនួន៤គ្រឿងនិងម៉ូតូរម៉កកង់បីមួយគ្រឿង។
ពេលនេះ ទាំងម្ចាស់អ្នកលក់សាំង និងជនបង្កបានរត់គេចខ្លួនហើយ ខណៈដែលអាជ្ញាធរខេត្តកំពុងស្វែងរកចាប់ខ្លួន។ យ៉ាងណាក៏ដោយ អ្នកឃ្លាំមើលសង្គមបានលើកឡើងថា ករណីអគ្គិភ័យនៅខេត្តព្រះសីហនុនេះ គឺជាមេរៀនថ្មីមួយទៀតសម្រាប់កម្ពុជា ក្នុងការបង្ការគ្រោះអគ្គិភ័យ ឲ្យនៅកម្រិតទាបបំផុត៕ (អត្ថបទដោយ ទេព វណ្ណះ)
