ខេត្តបាត់ដំបង៖ ក្រោមការដឹកនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង កម្លាំងផ្នែកប្រឆាំងគ្រឿងញៀនរបស់អធិការដ្ឋាននគរបាលស្រុកសំពៅលូន ដែលមានលោកវរសេនីយ៍ឯក ពេជ្រ សារ៉ែន ជាអធិការបានធ្វើការបង្ក្រាបជនសង្ស័យ០២នាក់និងសារធាតុញៀនមួយចំនួនធំ។
ហេតុកាណ៍នេះបានកើតឡើងនៅល្ងាចថ្ងៃទី១២ ខែវិច្ឆិកា ឆ្នាំ២០១៨ ស្ថិតនៅចំណុចផ្ទះជួលស្ថិតក្នុងភូមិត្រពាំង ឃុំសន្តិភាព ស្រុកសំពៅលូន ខេត្តបាត់ដំបង។ប្រភពពីសមត្ថកិច្ចបានឲ្យដឹងថា ជនសង្ស័យទាំងពីរមាន៖
១, ឈ្មោះ ហ៊ួយ សុគន្ធដេត ហៅ (ដេត) ភេទប្រុសអាយុ ៣១ ឆ្នាំ មានទីលំនៅស្នាក់បណ្តោះអាសន្ន ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។
២, ឈ្មោះ នាង សុគុណ ភេទប្រុស អាយុ ២៥ ឆ្នាំ ស្នាក់នៅរួមគ្នា។
ប្រភពដដែលបានបន្តទៀតថា វត្ថុតាងដកហូតបានមាន ថ្នាំញៀនប្រភេទ (យ៉ាម៉ា WY) ចំនួន 08 គ្រាប់ , ថ្នាំ ញៀនម្សៅសរថ្លា (ម៉ាទឹកកក ICE) ចំនួន 08 ថង់។ជនសង្ស័យទាំង០២និងវត្ថុតាងត្រូវបានកសាងសំណុំរឿង បញ្ជូនទៅ សាលាដំបូងខេត្តបាត់ដំបងចាត់ការតាមផ្លូវច្បាប់។