Apple បញ្ចេញ iOS 12.1 ជាផ្លូវកា​រ​ហើយ! មាន​អ្វី​កែ​ប្រែ​ខ្លះ? - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

Apple បញ្ចេញ iOS 12.1 ជាផ្លូវកា​រ​ហើយ! មាន​អ្វី​កែ​ប្រែ​ខ្លះ?

31/10/2018
អំឡុងពេលដែលកំពុងប្រកាសចេញ iPad Pro ជំនាន់ថ្មី ទាំង 2 ម៉ូឌែល បង្ហាញ​ជូន​អ្នក​ទស្សនា​គ្រប់គ្នា អោយ​បាន​ឃើញ​នោះ ខាង Apple ក៏​បាន​ឆ្លៀត​បញ្ចេញ​ប្រព័ន្ធ​ប្រតិបត្តិការណ៍ iOS 12.1 ជា​កំណែអាប់​ដេត​ផ្លូវការ ផងដែរ។ ចង់ដឹងទេថា កំណែអាប់ដេត iOS 12.1 ដែលក្រុមហ៊ុនផ្លែប៉ាម បានដាក់ចេញ អោយតម្លើងជាសាធារណៈនេះ មានអ្វីប្លែកខ្លះ?

កាលពីសប្តាហ៍មុន ពាក់ព័ន្ធនឹងបញ្ហា Software លើកាមេរ៉ាខាងមុខរបស់ iPhone XS និង iPhone XS Max ដែលបានតម្លើងមកកាន់ iOS 12.0.1 ជាផ្លូវការ ដោយទូរស័ព្ទមួយចំនួនតូចនោះ មិនដំណើរការមុខងារ Smart HDR ខណៈពេលដែលថតរូប Selfie ចេញពីកាមេរ៉ាខាងមុខ ។
ឯការចាប់សាច់ Detail ក៏ហាក់នៅមិនទាន់បានល្អ។ យ៉ាងណា ខាង​ក្រុមហ៊ុន Apple ធ្វើការសន្យាថា ពួកគេនឹងបញ្ចេញ iOS 12.1 ជំនាន់ថ្មី ដើម្បីដោះស្រាយបញ្ហាមួយនេះ សម្រាប់អ្នកប្រើប្រាស់។

ជាក់ស្តែង កំណែអាប់ដេតលើប្រព័ន្ធប្រតិបត្តិការណ៍ iOS 12.1 នេះ ក៏ត្រូវបានចេញផ្លូវការ បន្ទាប់ពីបានបញ្ចប់ជំនាន់សាកល្បងរួចមក ដោយ​វា​បានដោះស្រាយបញ្ហា នៃមុខងារ HDR ចេញពីកាមេរ៉ាមុខរបស់ iPhone XS & XS Max។
លើសពីនេះ វាបានបញ្ចេញ Group FaceTime សារជាថ្មីម្តង បន្ទាប់ពីត្រូវបានដកចេញ បន្ថែម Emoji ថ្មីៗ ចំនួន 70 រូប និងជួយអោយ Support លើម៉ាស៊ីន iPhone XR, XS & XS Max មួយចំនួន (ប្រភេទស៊ីម 2) ជាមួយដំណើការសេវា eSIM។ ក្នុងនោះ វាក៏បានដោះស្រាយបញ្ហាតូចៗ​មួយ​ចំនួន​លើ iDevices ចាស់ អោយត្រលប់មកភាពល្អប្រសើរ ផងដែរ។

យ៉ាងណា សម្រាប់អ្នកដែលកំពុងប្រើ iPhone ហើយជួបបញ្ហា​ដូច​ខាង​លើ គឺអាចតម្លើងមកកាន់ iOS 12.1 ជំនាន់ផ្លូវការនេះបាន ប៉ុន្តែប្រសិនបើគ្មានបញ្ហាអីនោះទេ មិនចាំបាច់តម្លើងក៏បានដែរ។
អញ្ចឹងសម្រាប់ប្រិយមិត្ត ដែលកំពុងប្រើប្រាស់ទាំង iOS 12.0.1 ឬ ក្រោមហ្នឹង ជាផ្លូវការទាំងអស់ បើមានចំណាប់អារម្មណ៍ អាចតម្លើង​មក iOS 12.1 ផ្លូវការនេះបាន

របៀបតម្លើង៖ ចូលទៅកាន់ Settings > General > Software Update > Download & Install ជាការស្រេច ៕ សូម​ធ្វើ​ការ​តម្លើង ដោយភ្ជាប់សេវា តាមរយៈ Wi-Fi និងមានថ្មសល់យ៉ាងតិច 50%!



ដោយ៖ ឡៃហ៊ាង
ប្រភព៖ GSM Arena