រង់ចំាព័ត៌មានបន្ថែមទាំងទឹកភ្នែក៕
ក្រុមអ្នកជួយសង្រ្គោះឥណ្ឌូណេស៊ី ត្រូវមុជទឹកក្នុងជម្រៅ ៣៥ម៉ែត្រ ដើម្បីតាមរកយន្ដហោះធ្លាក់ Boeing 737 MAX 8
29/10/2018
(ហ្សាការតា)៖ ប្រធានទីភ្នាក់ងារជួយសង្រ្គោះឥណ្ឌូណេស៊ី លោក Muhammad Syaugi បានឱ្យដឹងថាក្រុមអ្នកជួយសង្រ្គោះបាន ទៅដល់ទីតាំងធ្លាក់របស់យន្ដហោះ Boeing 737 MAX 8 នៃក្រុមហ៊ុន Lion Air និងកំពុងធ្វើប្រតិបត្តិការមុជទៅក្នុងទឹកសមុទ្រ ដើម្បីតាមរកយន្ដហោះមួយនេះ ព្រមទាំងអ្នកដំណើរទាំងអស់។ នេះបើតាមការចេញផ្សាយដោយសារព័ត៌មាន Straitstimes នៅថ្ងៃចន្ទ ទី២៩ ខែតុលា ឆ្នាំ២០១៨។
ថ្លែងប្រាប់អ្នកសារព័ត៌មាន លោក Syaugi បានបញ្ជាក់ដូច្នេះថា៖ «ក្រុមអ្នកជួយសង្រ្គោះ១៣០នាក់ និង៣០នាក់ផ្សេងទៀតមកពី អង្គភាពដទៃ រួមទាំងនាវាបីគ្រឿង ឧទ្ធម្ភាគចក្រមួយគ្រឿង និងទូកជាច្រើនគ្រឿង ត្រូវបានបញ្ជូនទៅកាន់ទីតាំងដែលគេជឿជាក់ថា យន្ដហោះ Boeing 737 MAX 8 បានធ្លាក់...»។ លោកបន្ថែមថា បេសកកម្មសំខាន់មួយនៅពេលនេះ គឺធ្វើយ៉ាងណារកយន្ដហោះ នេះឱ្យឃើញ ខណៈក្រុមអ្នកមុជទឹកនឹងត្រូវមុជទឹកក្នុងជម្រៅពី៣០ ទៅ៣៥ម៉ែត្រ។
គួរបញ្ជាក់ថា យន្ដហោះ Boeing 737 MAX 8 មានជើងហោះហើរលេខ Flight JT-610 របស់ក្រុមហ៊ុន Lion Air មានគោលដៅ ធ្វើដំណើរពីរដ្ឋធានីហ្សាការតា ទៅកាន់ទីក្រុង ផាងកាល ភីណាង (Pangkal Pinang), នៃកោះ Bangka Belitung នៃចង្កោម កោះស៊ូម៉ាត្រា ជាមួយអ្នកដំណើរ និងក្រុមពីឡុត ១៨៩នាក់ ក្នុងនោះមានមនុស្សវ័យជំទង់ ១៧៨នាក់, កុមារម្នាក់, ទារក ០២នាក់, ពីឡុត ០២នាក់ និងក្រុមសហសេវិក ០៦នាក់ផ្សេងទៀត។
យន្តហោះរបស់អាកាសចរណ៍ក្នុងស្រុកខាងលើនេះ បានធ្លាក់នៅត្រង់ចំណុចដែនសមុទ្រ ការ៉ាវ៉ាង (Karawang) នៃខេត្តជ្វា របស់ប្រទេសឥណ្ឌូណេស៊ីក្រោយហោះឡើង១៣នាទី។ ប៉ុន្តែ មិនទាន់មានព័ត៌មានណាមួយ បញ្ជាក់ពីជោគវាសនានៃ មនុស្សជិះទាំងអស់ នៅលើយន្តហោះ Boeing 737 MAX 8 នោះឡើយ ខណៈក្រុមគ្រួសារសាច់ញ្ញាតិរបស់ពួកគេ កំពង់ទន្ទឹម
រង់ចំាព័ត៌មានបន្ថែមទាំងទឹកភ្នែក៕
រង់ចំាព័ត៌មានបន្ថែមទាំងទឹកភ្នែក៕
