បុរសវ័យ ៥៦ឆ្នាំម្នាក់ត្រូវបានឃាត់ខ្លួននៅក្នុងរដ្ឋ Florida សហរដ្ឋអាមេរិក ដោយជាប់ពាក់ព័ន្ធនឹងការផ្ញើគ្រាប់បែក ក្នុងគោលបំណងដើម្បីរិះគន់ដល់ប្រធានាធិបតីអាមេរិក លោក ដូណាល់ ត្រាំ។
Cesar Sayoc
ជនខាងលើមានឈ្មោះថា Cesar Sayoc កំពុងប្រឈមនឹងការជាប់ទោសចំនួន ៥ ក្នុងនោះរួមមាន ការផ្ញើគ្រាប់បែក និង គំរាមកំហែងអតីតប្រធានាធិបតីអាមេរិកទៀតផង។
ប្រធានាធិបតីអាមេរិកទី៤៥ លោក ដូណាល់ ត្រាំ បានមានប្រសាសន៍ថា
«សកម្មភាពនេះគួរឲ្យស្អប់ខ្ពើមបំផុត និងមិនត្រូវមាននៅក្នុងប្រទេសយើងឡើយ»។
គួរបញ្ជាក់ថា៖ គ្រាប់បែកចំនួន១៤ ត្រូវបានបញ្ជូនទៅឲ្យបុគ្គលល្បីៗជាច្រើន ក្នុងនោះរួមមានទាំង អតីតប្រធានាធិបតីអាមេរិក លោក បារ៉ាក់ អូបាម៉ា និង តារាសម្តែង Robert de Niro ផងដែរ។ ហេតុការណ៍ទាំងនេះបានកើតឡើងក្នុងរយៈពេលមិនដល់ ២សប្តាហ៍ឡើយ មុនការបោះឆ្នោតពាក់កណ្តាលអាណត្តិរបស់អាមេរិកមកដល់។
ប្រភព៖ BBC
