គ្រោះមហន្តរាយដ៏អាក្រក់ខាងលើ បានបំផ្លិចបំផ្លាញអគារនានានៅក្នុងទីក្រុង Palu ដែលជាប់ឆ្នេរសមុទ្រឲ្យដួលរលំខ្ទេចខ្ទី ហើយប្រព័ន្ធធ្វើដំណើរនៅក្នុងតំបន់បានរងការខូតខាតជាខ្លាំង ខណៈជំនួយត្រូវបញ្ជូនមកដល់ដោយយឺតយ៉ាវ ខណៈប្រជាជនដែលរួចជីវិតនោះបានធ្លាក់ខ្លួនដើរលួចឥវ៉ាន់ និងរបស់របរតាមហាងជាដើម។
មកទល់ពេលនេះ ទោះបីជាក្រុមសង្រ្គោះនៅតែកំពុងខិតខំដើរឆែកនៅតាមគំនរអគារដែលដួលរលំក៏ដោយ ក្តីសង្ឃឹមដែលថានឹងអាចរកឃើញអ្នកនៅរស់រានមានជីវិតនោះ កាន់តែបាត់បង់ទៅៗ។ គួរជម្រាបថា បន្ទាប់ពីមានការដង្ហោយសុំជំនួយពីអន្តរជាតិពីសំណាក់ប្រធានាធិបតីឥណ្ឌូណេស៉ី ប្រទេសចំនួន ២៥ ក៏បានឆ្លើយតបផងដែរ៕
