ទីផ្សារកម្ពុជា
តម្លៃ iPhone Xs ផ្លូវការ បានមកពីពីហាង 3Plus និងអាន ឆែ
- 64GB = ១៣៧០ ដុល្លារ 256GB = ១៥៥០ ដុល្លារ 512GB = ១៧៥០ ដុល្លារ។
តម្លៃ iPhone Xs Max ផ្លូវការ
- 64GB = ១៦០០ ដុល្លារ 256GB = ១៨០០ ដុល្លារ 512GB = ២០០០ ដុល្លារ។
ទីផ្សារអូស្ត្រាលី
លោក Teddy Lee ខាងឆ្វេង និង Mazen Kourouche ខាងស្ដាំ
យ៉ាងណានៅថ្ងៃនេះម្ចាស់ iPhone XS/XS Max ជំនាន់ថ្មីដំបូងគេបង្អស់លើលោក បានរកឃើញហើយ ក្នុងប្រទេសអូស្ត្រាលី គឺលោក Teddy Lee វ័យ ២០ ឆ្នាំ ជានិស្សិតសញ្ជាតិកូរ៉េខាងត្បូង មកសិក្សានៅទីក្រុងស៊ីដនី និងម្នាក់ទៀតមានឈ្មោះថា Mazen Kourouche វ័យ ២១ ឆ្នាំ ជា YouTuber ដែលទិញផលិតផល Apple ដើម្បីយកផលិតជាវីដេអូ។លោក Lee បានទិញ iPhone XS មួយដើមពណ៌មាស ចំណែក Mazen បានទិញ iPhone XS និង XS Max រួមទាំង Apple Watch Series 4 ដើម្បីយកទៅធ្វើវីដេអូ Unbox។ Mazen ក៏មានបំណងថានឹងទិញ iPhone XR ពេលដែលចេញលក់នៅខែតុលាខាងមុខនេះដែរ។
អូស្ត្រាលី ជាប្រទេសមានលក់ iPhone XS/XS Max ដំបូងគេក្នុងលោក ហើយមានមនុស្សជាច្រើន បានតម្រង់ជួរអង្គុយចាំទិញ iPhone ជំនាន់ថ្មី តាំងពីព្រឹកព្រហាមថ្ងៃសុក្រនេះម្ល៉េះ។ ហាង Apple Store ដែលមានទីតាំងនៅ George Street ទីក្រុងស៊ីដនីបានចាប់ដំណើរការនៅវេលាម៉ោង ៨ ព្រឹក ម៉ោងក្នុងស្រុក។
ទីផ្សារសិង្ហបុរី
លោក Le Van Thang ជនជាតិវៀតណាម
ចំណែកហាង Apple Store នៅផ្លូវ Orchard Road ប្រទេសសិង្ហបុរីឯណេះវិញ ក៏នឹងមានលក់ iPhone XS/XS Max ជាផ្លូវការនៅម៉ោង ៨ ព្រឹកថ្ងៃ ២១ កញ្ញាដូចគ្នា។ លោក Le Van Thang ជនជាតិវៀតណាមវ័យ ២០ឆ្នាំ គឺជាបុគ្គលដំបូងគេ បានឈរតម្រង់ជួរចាំទិញ iPhone ជំនាន់ថ្មី ដោយលោកបានមករង់ចាំតាំងពីម៉ោង ៧ ព្រឹកថ្ងៃព្រហស្បតិ៍ (ម៉ោងនៅសិង្ហបុរី) មកម្ល៉េះ ហើយក៏បានទិញ iPhone XS មុនគេផងដែរ។គួរបញ្ជាក់ថា៖ ទូរសព្ទជំនាន់ថ្មីរបស់ Apple នឹងលក់ជាផ្លូវការនៅអាមេរិក នាថ្ងៃទី ២១ កញ្ញានេះដែរ។ ព័ត៌មានលំអិត ពាក់ព័ន្ធនឹង iPhone ជំនាន់ថ្មីមានលើទឹកដីកម្ពុជា សូមប្រិយមិត្តតាមដានលើគេហទំព័រ Sabay ៕
