ការលើកឡើងបែបនេះ បន្ទាប់ពីរយៈពេលប្រមាណជាង ២ខែមកនេះ គូស្នេហ៍ទាំងពីរមិនបានបង្ហោះរូបភាព ផ្អែមល្ហែមដូចមុននោះទេ ពោលគឺស្ងប់ស្ងាត់តែម្តង។ លើសពីនេះ ក៏ត្រូវបានមាត់ចាប់មាត់ព្រាប ខ្សឹបខ្សៀវថា ប្រុសស្នេហ៍ ពេជ្រ សោភា មិនមានអារម្មណ៍ស្រឡាញ់មនុស្សស្រីទេ ហើយការដែលទំនាក់ទំនងគ្នា ប្រៀបបាននឹងគូស្នេហ៍នេះ ដោយសារតែសោភា ចង់ឲ្យសក្កដា មានប្រជាប្រិយភាពល្បី តែប៉ុណ្ណោះ។
តែយ៉ាងណា ទោះមិនបានចេញមុខមកបញ្ចេញប្រាប់ មហាជនជាសាធារណៈក្តី តែសោភា និងសក្កដា កាលដែលបានដឹងនូវព័ត៌មាននេះហើយ ក៏បានបង្ហើបប្រាប់អ្នកជិតស្និទ្ធរបស់ខ្លួនថា ពួកគេមិនខ្វល់នោះទេ សំខាន់ពេលនេះ ចំណងស្នេហ៍អ្នកទាំងពីរនៅតែដូចមុន គ្រាន់តែពេលនេះពួកគេរវល់រៀងៗខ្លួន មិនមានពេលវេលាជួបជុំគ្នាច្រើន តែប៉ុណ្ណោះ។
ដោយឡែកមកងាកមករក លោក សក្កដា ឯណោះវិញ កាលដែលបានដឹងនូវដំណឹងនេះហើយ លោកមិនបានគិតអ្វីច្រើននោះទេ បែរជាអស់សំណើចទៅវិញ ព្រោះចំណងស្នេហ៍លោក និងគូស្នេហ៍ដែលមានប្រវត្តិ កំសត់លក់អំពៅសាង ពេជ្រ សោភា នៅតែដូចមុន មិនបានបែកបាក់ដូចដែលគេនិយាយនោះទេ ខណៈស្នេហាអ្នកទាំងពីរ ក៏ត្រូវបានចាស់ទុំទាំងសងខាងដឹងឮ អស់ហើយដែរ។
យ៉ាងណាមិញ ចំពោះទស្សនិកជន ទោះបីជាមានការចេញមុខមកបកស្រាយ បែបនេះក្តី តែពួកគេហាក់នៅតែមិនទាន់អស់ចិត្ត ហើយបើដរាបណា ពេជ្រ សោភា និងសក្កដា ដឹកដៃគ្នាចូលរោងការ ទើបដំណឹងរសើបនេះ សាបរលាបទៅបាន៕
