មនុស្សស្លាប់នៅហ្វីលីពីនកើនដល់៨១នាក់ និង៧០នាក់បាត់ខ្លួន ដោយសារព្យុះទីហ្វុង Mangkhut - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

មនុស្សស្លាប់នៅហ្វីលីពីនកើនដល់៨១នាក់ និង៧០នាក់បាត់ខ្លួន ដោយសារព្យុះទីហ្វុង Mangkhut

19/09/2018
(ម៉ានីល)៖ អាជ្ញាធរ​ហ្វីលីពីន​នៅថ្ងៃពុធនេះ​បានឱ្យដឹងថា ចំនួនអ្នកស្លាប់​បានកើន​ឡើងដល់ ៨១នាក់ ក្រោយព្យុះ​ទីហ្វុង មាំងឃុត (Mangkhu​t) បានវាយប្រហារលើកោះ លូហ្សុន (Luzon) នៃភាគខាងជើង​ប្រទេសហ្វីលីពីន​កាលពីសប្តាហ៍មុន ខណៈការខូចខាត​ជារួម គឺមាន​ទំហំធំធេងឥតគណនា ខណៈអ្នកបាត់ខ្លួន​​គឺមាន​រហូតដល់​ទៅ ៧០នាក់​ទៀត។ នេះបើតាម​ការ​ចេញផ្សាយ​ដោយ​សារព័ត៌មាន ស៊ីនហួរ នៅរសៀលថ្ងៃពុធ ទី១៩ ខែកញ្ញា ឆ្នាំ២០១៨។
យោងតាមអាជ្ញាធរ​ហ្វីលីពីន ជនរងគ្រោះភាគ​ច្រើន​ត្រូវបានគេរាយការណ៍ថា​ស្ថិតនៅឯតំបន់រដ្ឋបាល CAR និង​មួយចំនួនទៀត​នៅខេត្ត ណួវ៉ា វីសកាយ៉ា (Nueva Vizcaya) និងខេត្ត អ៊ីឡូខូស (Ilocos) នៃភាគខាងជើង​ប្រទេស​​ហ្វីលីពីន។ មិនតែប៉ុណ្ណោះ​ប្រជាជនហ្វីលីពីន​​រាប់សែននាក់ បាននិងកំពុងទទួលរង​ផល​ប៉ះពាល់​ពីព្យុះ​ Mangkhu​t នេះផងដែរ ស្របពេល​ផ្ទៃដីស្រួវដែលមានត្រូវបានគេ​គណនាថាមានទម្ងន់ ២៥០,៧៣០តោន បានរងការផ្លិចបំផ្លាញយ៉ាងដំណុំ។
គួរជម្រាបថា ព្យុះ Mangkhut ក៏បានធ្វើការវាយប្រហារភាគខាងត្បូង​ប្រទេសចិន និងភាគខាងជើង​ប្រទេសថៃផងដែរ​នាដើមសប្តាហ៍នេះ។ Mangkhut ដែលជាព្យុះ​​​ខ្លាំងក្លាទី ១៥​​ នៅក្នុងឆ្នាំ២០១៨នេះ បាន​វាយប្រហារ​លើ​ប្រទេសហ្វីលីពីន​ ហើយបើតាមតួលេខ​ពីអាជ្ញាធរប្រទេសដីកោះ​នេះ ហ្វីលីពីនតែងតែរង​គ្រោះដោយសារ​តែខ្យល់ព្យុះ​​យ៉ាងតិចចំនួន ២០លើក​ក្នុងមួយឆ្នាំៗ៕