គួរបញ្ជាក់ថា គិតត្រឹមម៉ោង១១យប់ថ្ងៃអាទិត្យម្សិលមិញ មានមនុស្សជាង៣.១១លាននាក់ ត្រូវបានផ្លាស់ប្តូរទីលំនៅ ហើយទូក នេសាទជាង៤៩,០០០គ្រឿង ត្រូវបានហៅឲ្យត្រឡប់មកកាន់កំពង់ផែខេត្តវិញ៕
ចំនួនអ្នកស្លាប់កើនដល់៤នាក់ ក្រោយព្យុះទីហ្វុង Mangkhut វាយប្រហារភាគខាងត្បូងប្រទេសចិន
17/09/2018
(ប៉េកាំង)៖ អាជ្ញាធរចិន នៅថ្ងៃចន្ទនេះ បានអះអាងថាចំនួនអ្នកស្លាប់បានកើនឡើងដល់០៤នាក់ នៅក្នុងខេត្តក្វាងទុង (Guangdong) ក្រោយព្យុះទីហ្វុង Mangkhut បានបោកបក់បំផ្លិចបំផ្លាញ ខេត្តភាគខាងត្បូងមួយនេះរបស់ចិន។ នេះបើតាមការ ចេញផ្សាយដោយទីភ្នាក់ងារសារព័ត៌មានស៊ិនហួរ នៅថ្ងៃទី១៧ ខែកញ្ញា ឆ្នាំ២០១៨។
ព្យុះទីហ្វុង Mangkhut បានចាប់ផ្តើមវាយប្រហារ នៅវេលាម៉ោង៥ល្ងាច កាលពីថ្ងៃអាទិត្យ (ម៉ោងក្នុងតំបន់) លើតំបន់ឆ្នេរសមុទ្រ នៃទីក្រុង Jiangmen ខេត្ត Guangdong ជាមួយនឹងល្បឿនខ្យល់១៦២គីឡូម៉ែត្រ ក្នុងមួយម៉ោង។ បន្ថែមពីលើនេះ ព្យុះដ៏កំណាច នេះក៏បានផ្ដាច់ជីវិតមនុស្ស០៣នាក់ផងដែរនៅក្នុងទីក្រុង Guangzhou ខណៈមនុស្សម្នាក់ទៀតបានស្លាប់នៅ ឯទីក្រុង Dongguan ខេត្ត Guangdong។
