បន្ទាប់ពីកើតហេតុ ក្រុមប៉ូលិសបានចូលទៅដល់ បានឃើញរថយន្តធន់ធ្ងន់ កង់២២ ដែលបានដឹកសាំងចំណុះ ៤២,០០០លីត្រ ឆ្ពោះទៅខេត្តនគររាជសីមា តែសំណាងអាក្រក់ត្រូវបានក្រឡាប់ នៅកន្លែងកើតហេតុខាងលើ ដោយសារតែអ្នកបើកបរ បើកក្នុងល្បឿនលឿនហួសកំណត់ ហើយធ្វើឲ្យអ្នកបើកមិនអាចគ្រប់គ្រងរថយន្តនោះបាន ទើបបណ្តាលឲ្យរថយន្តទៅបុក បង្កាន់ដៃផ្លូវនៅចិញ្ចើមថ្នល់ ហើយក្រឡាប់តែម្តង ។
ក្នុងពេលដែលរថយន្តក្រឡាប់ បានបានធ្វើឲ្យធ្លាយសាំង ចេញមកក្រៅហូរពាសពេញផ្លូវ ធ្វើឲ្យប៉ូលិសបិទចរាចរណ៍ កកស្ទះយ៉ាងខ្លាំង ។ យ៉ាងណាមិញ មានប្រជាពលរដ្ឋដែលរស់នៅក្បែរនោះ ជាច្រើនបាននាំគ្នា សម្រុកចូលទៅយកសាំងនោះទុកប្រើប្រាស់ ដោយមិនគិតពីគ្រោះថ្នាក់ដល់ជីវិតឡើយ ទោះបីជាប៉ូលិសខំហាមឃាត់យ៉ាងណាក៏ដោយ ។
ប៉ូលិសបាននាំរថយន្តស្ទូច មកស្ទូចរថយន្តនោះចេញ ហើយបានរៀបរយផ្លូវ ធ្វើដំណើរបានធម្មតាឡើងវិញ ដោយចំណាយអស់រយៈពេលជាច្រើនម៉ោង ៕
