ប្រភពហាងធំមួយប្រាប់ថា iPhone ថ្មីអាចមានលក់នៅលើទីផ្សារក្នុងស្រុកគឺនៅថ្ងៃទី ១៤ ឬ ១៥។
ម្ចាស់ហាងដ៏ធំមួយនេះបញ្ជាក់ថា អាមេរិក ចិន និងសិង្ហបុរី ជាប្រភពប្រទេសដែលហាងមួយចំនួនបានប្រើបណ្តាញទាក់ទងដើម្បីនាំ iPhone មកលក់។
មិនខុសពីជំនាន់ iPhone មុនៗគឺមានហាងមួយចំនួន កំពុងប្រើបណ្តាញទំនាក់ទំនងតាមប្រទេសផ្សេងៗ នាំកំពូលទូរសព្ទរបស់ Apple មកទាន់ពេល ជាឱកាសដើម្បីអាចកើបប្រាក់ចំណេញយ៉ាងក្រាស់ក្រែល។
យ៉ាងណា ម្ចាស់ហាងរូបនេះមិនទាន់ហ៊ានបង្ហើបតម្លៃ គ្រាន់តែបញ្ជាក់ថាទូរសព្ទនាំមកលក់មិនមានការធានាពីក្រុមហ៊ុនឡើយ៕