ព្រះមហាក្សត្រ​ម៉ាឡេស៊ី «សម្រេចព្រះទ័យ​លុបចោលពិធីចំរើន​ព្រះជន្ម​ទ្រង់» និងវេថវិកា​ជូនមូលនិធិរដ្ឋាភិបាល​វិញ... - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

ព្រះមហាក្សត្រ​ម៉ាឡេស៊ី «សម្រេចព្រះទ័យ​លុបចោលពិធីចំរើន​ព្រះជន្ម​ទ្រង់» និងវេថវិកា​ជូនមូលនិធិរដ្ឋាភិបាល​វិញ...

31/08/2018
(គូឡាឡាំពួ)៖ ព្រះមហាក្សត្រ​ម៉ាឡេស៊ី ព្រះចៅ ស៊ូលតង់ មូហាំម៉ាដ ទី៥ (Sultan Muhammad V) បានសម្រេចព្រះទ័យ​លុបចោលពិធី​ចម្រើន​ព្រះជន្ម​របស់ទ្រង់​ ហើយបានបង្វិល​​កញ្ចប់ថវិកាសម្រាប់រៀបចំ​កម្មវិធីនេះ ចូលទៅក្នុង​​គម្រោង​មូលនិធិ តាប៊ុង ហារ៉ាផាន់ ម៉ាឡេស៊ី (Tabung Harapan Malaysia) ដែលបង្កើតឡើង​​ដោយលោក មហាធៀ ម៉ូហាម៉ាដ (Mahathir Mohamad) វិញ។ នេះបើតាម​ការដកស្រង់ការផ្សាយចេញ​ពីសារព័ត៌មាន Channel News Asia នៅព្រឹក​ថ្ងៃ​សុក្រ ទី៣១ ខែសីហា ឆ្នាំ២០១៨។
មូលនិធិខាង​លើនេះ ដែលមានឈ្មោះមួយ​ទៀតហៅថា Malaysia's Hope Fund ត្រូវបានបង្កើត​ឡើង​កាលពីខែឧសភា​កន្លងទៅ ដោយ​នាយករដ្ឋមន្រ្តី​ម៉ាឡេស៊ី លោក Mahathir Mohamad ដើម្បីធ្វើជាកន្លែង​អាចឲ្យសាធារណជន បរិច្ចាគ​ថវិកា​រៀងៗខ្លួន ដើម្បីជួយដល់​រដ្ឋា​ភិបាលថ្មី​ ក្នុងការសងបំណុល​​របស់ប្រទេស​ម៉ាឡេស៊ី។
គួរជម្រាបថា សម្រាប់កម្មវិធី​ដទៃទៀត ដើម្បីអបអរ​ថ្ងៃចម្រើន​ព្រះជន្ម​របស់ព្រះចៅ Sutan Muhammad V គឺនៅថ្ងៃទី០៩ ខែកញ្ញា ខាង​មុខនេះ នឹងប្រព្រឹត្តទៅ​តាមការគ្រោង​ទុកដដែល៕​