១. របស់ផ្អែម
កូនក្នុងផ្ទៃចាប់ផ្ដើមបែងចែករសជាតិនៅសប្ដាហ៍ទី១៣ទៅ១៥នៃការពពោះ។ ទឹកភ្លោះរបស់ម្ដាយមានជាតិដូចអ្វីដែលម្ដាយញ៉ាំដែរ ហើយវានឹងស៊ាំទៅនឹងរសជាតិផ្សេងៗដោយសារតែស្បូន។ ហេតុនេះហើយទើបបានជាកំឡុងពេលមានគភ៌អ្នកម្ដាយតែងតែចូលចិត្តរបស់ផ្អែមព្រោះវាមានជាតិដូចទឹកដោះគោ។ តែអ្នកមានផ្ទៃពោះត្រូវប្រយ័ត្នចំពោះរបស់ផ្អែមឱ្យមែនទែន។
២. ការងូតទឹកក្តៅ
នៅពេលដែលជិតគ្រប់ខែ កូននៅក្នុងផ្ទៃក៏អាចដឹងពីសីតុណ្ហភាពប្រែប្រួលដែរ។ ពោលគឺនៅពេលដែលអ្នកម្ដាយងូតទឹកក្ដៅពេកក៏ធ្វើឱ្យប៉ះពាល់ដល់កូនក្នុងផ្ទៃដែរ។ បើអ្នកម្ដាយមានទម្លាប់ងូតទឹកនៅក្នុងអាងទឹកគួរតែបញ្ឈប់ ផ្ទុយមកវិញគួរតែងូតទឹកផ្កាឈូកព្រោះសម្លេងទឹកហូរអាចជួយដល់សុខភាពកូនក្នុងផ្ទៃដែរ។
៣. ផ្ទៃពោះ
ភាពស៊ាំរបស់កូនក្នុងផ្ទៃគឺចាប់ផ្ដើមវិវឌ្ឍនៅកំឡុងពេលសប្ដាហ៍ទី៨ទៅ២០ដើម្បីទទួលដឹងពីការប៉ះពីការក្រៅ។ នៅក្នុងកំឡុងពេលនេះ គេចូលចិត្តឱ្យម្ដាយធ្វើការម៉ាស្សាថ្នមៗនៅលើពោះ អញ្ចឹងហើយអ្នកម្ដាយគួរតែឧស្សាហ៍អង្អែលពោះដើម្បីឱ្យទំនាក់ទំនងម្ដាយនឹងកូនកាន់តែល្អ។
រូបតំណាង
៤. ការស្ដាប់សំឡេងរបស់ម្ដាយនៅក្នុងសប្ដាហ៍ទី២៥ទី២៦ កូននៅក្នុងផ្ទៃចាប់ផ្ដើមតបនូវអ្វីដែលគេបានលឺពីខាងក្រៅស្បូន។ កំឡុងពេលនេះដែរគេនឹងចាប់ផ្ដើមចំណាំសំឡេង។ សំឡេងរបស់ម្ដាយអាចធ្វើឱ្យគេដឹងហើយមានអារម្មណ៍ថាកក់ក្តៅ។
៥. ស្ដាប់បទចម្រៀង
នៅពេលដែលជិតកើត ការស្ដាប់ចម្រៀងពិតជាមានប្រយោជន៍ណាស់ដល់កូនក្នុងពោះ។ ច្រៀងជំនួយដល់តំណបរំញោចរបស់កូន និងការលូតលាស់ខួរក្បាល។ ប៉ុន្តែអ្នកត្រូវប្រយ័ត្នចំពោះកម្រិតសម្លេងព្រោះសំឡេងខ្លាំងពេកក៏ធ្វើឱ្យប៉ះពាល់ដែរ។
រូបតំណាង
៦. ការហាត់ប្រាណការហាត់ប្រាណកំឡុងពេលមានផ្ទៃពោះគឺមិនមែនចេះតែហាត់នោះទេ ត្រូវមានការណែនាំពីគ្រូពេទ្យ។ ត្រូវប្រាកដថាការហាត់ប្រាណនោះគឺមានសុវត្ថិភាព និងត្រឹមត្រូវ។
រូបតំណាង
៧. ការសើចរបស់ម្ដាយយោងតាមការពិនិត្យផ្ទៃពោះបានឱ្យដឹងថា កូននៅក្នុងផ្ទៃចាប់ផ្ដើមកម្រើកឬធ្វើចលនាចុះឡើងនៅពេលដែលម្ដាយសើច។ អរម៉ូនរីករាយនឹងបញ្ចេញនៅពេលដែលអ្នកម្ដាយសប្បាយចិត្តហើយវាក៏ល្អសម្រាប់កូន។ ហេតុនេះហើយបានជានៅពេលមានផ្ទៃពោះគេមិនសូវឱ្យអ្នកម្ដាយយំឬកើតទុក្ខទេព្រោះវាអាចប៉ះពាល់ដល់កូនផងដែរ៕
ប្រភព៖ kienthuc
